Jaz mezgilinde adam aǵzasyna paıdaly jemister

2669
Adyrna.kz Telegram
foto ashyq aqparat kózinen alyndy
foto ashyq aqparat kózinen alyndy

Jadyrap jaz shyqpaı jatyp, adamnyń tábeti balǵyn jemisterge aýady. Keı jemister óz mezgilinen buryn saýdaǵa shyǵyp jatady. Olardy mezgilinen buryn jeý densaýlyqqa keri áserin tıgizýi ábden múmkin. Sol taraptan mán bergen jón.

Jaz mezgili bastalyp, kóktem mezgili aıaqtalýǵa taıaý qalǵanda qulpynaı jemisi óziniń jupar ıisimen tábetimizdi ashady. Biz súısinip jeıtin qulpynaıdyń quramynda adamǵa kerek kóptegen dárýmender bar. Quramyndaǵy S dárýmeniniń mólsheri ıtrýs ósimdikterine qaraǵanda anaǵurlym kóp. Qulpynaı aǵzaǵa dárýmen tapshy bolǵan kezde óte paıdaly. Aǵzany tazartyp, zár shyǵarý joldaryn jaqsartady. Quramyndaǵy antıoksıdanttar qartaıýdyń aldyn alady. Immýnıtetti kúsheıtip, qan azdyqqa kómektesedi. Mıkrobqa qarsy qasıeti joǵary bolǵandyqtan, asqazan aýrýy bar adamdarǵa asa paıdaly. Shylym tartatyndarda qaterli isik paıda bolý qaýpi yqtımal, sondyqtan qulpynaıdy kóp jeý kerek. Jótel jáne ókpe aýrýlary kezinde qulpynaıdyń japyraqtaryn qaınatyp ishse, tez arada jazylyp ketýge bolady. Qulpynaıdy desert retinde jeıdi. Qulpynaıdyń paıdasyn artyrǵyńyz kelse, aǵzańyzǵa sińimdirek bolýyn qalasańyz, qaımaqpen nemese kilegeımen jeseńiz bolady .

Kelesi kezektegi jemis ol - shıe. Ár adam ár túrli jaqsy kóredi. Biri qyshqylyn jegendi unatsa, endi bireýi táttisin izdep álek bolady.

Dámi, túsi jáne hosh ıisimen keremet jemisterdiń qataryndaǵy shıe, aspırınge uqsaıdy. Zertteýshilerdiń aıtýy boıynsha kúnine jıyrma dana shıe jeý, bir aspırın dárisin ishkenmen birdeı. Shıe qandy suıyltyp, deneni tazalaıdy. Baýyr men óttiń jumysyn jeńildetedi. Búırekterdegi zııandy zattardyń shyǵýyna kómekshi bolady. Ish qatýyn ketirip, astyń qorytylýy qalypqa túsedi. Shıeniń quramynda kómirsýlar, pektın zattary, organıkalyq qyshqyldar, V2, S jáne A dárýmenderi bar. Sonymen qatar  asqazan, ishek jáne nesep joldary aýrýlaryna óte paıdaly bolýmen qatar, baýyr aýrýlaryna da paıdasy meıilinshe zor.

Ash qarynǵa túsken shıe adamdy  aryqtady. Eger shıeni turaqty tutynatyn bolsańyz, búırek jáne qýyq joldaryn qumnan tazalaıdy.

Endigi kezekte, jaz dese bizdiń esimizge qarbyz túsetini anyq. Sol jıi jeıtin jemistiń paıdasyn birimiz bilsek, birimiz bilmeımiz. Qarbyzdyń emdik qasıetin týraly eń alǵash arabtar anyqtaǵan. Olar tamaqtyń aldynda qarbyz jegen adamnyń aǵzasy tolyǵymen tazaratynyna sengen. Odan keıingi jyldarda medıına mamandary  qarbyzdyń aýrýdan aıyqtyratyn qasıeti bar ekenin dáleldegen.

Halyq eminde  qarbyzdy shemen men sary aýrýǵa em retinde qoldanady. Onyń dánderi, qabyǵy men shyryndy bóligi dári jasaý úshinde paıdaǵa asyrady. Ádette qarapaıym halyq shyrynyn jazdyń kúni shól  basý úshin ishemiz, onyń da paıdasy zor. Sebebi tátti bóligi men shyryny nesep shyǵarý joldaryn emdeıdi.

Biraq ár jemisti óz maýsymynda jeýge tyrysyńyz. Mysaly qarbyzdan ýlanatyn adamdar sany eselep artady. Sebebi tez pisý úshin, jasandy jolmen ósirýge kóshedi. Ondaı qarbyzdyń siz oılaǵandaı paıdasy bolmaı qalady. Sol sııaqty qalaǵanyńyzdy qamsyz jeımin dep, qara dert bas salmasyn. Jemisten ýlaný adam aǵzasyn álsiretip jiberedi.

Árbir jemistiń paıdasy alýan túrli. Paıdasyn bilgen soń jıi tutynýǵa tyrysyńyz. Densaýlyq adamǵa berilgen amanat. Amanatqa qııanat jasamaıyq.

 

  Kengashova Aısaýle

 

.

Pikirler