ءبىزدىڭ حالىقتا ء“بىر يت كورىپ ۇرەدى، ءبىر يت ەرىپ ۇرەدى”-دەگەن ءسوز بار. ادۆوكاتتاردىڭ كاسىبي زاڭناماسىنا قاتىستى داۋ-داماي توڭىرەگىندە كەي ارىپتەستەرىمنىڭ ارەكەتتەرى وسى ءسوزدى ەرىكسىز ەسكە ءتۇسىردى..
زامان تالابىنا ساي بولۋ دەگەن ۇعىم بار.
“زامانىڭ تۇلكى بولسا، تازى بوپ شال”-دەيدى. قازىر اقپارات مايدانى زامانى. حايپ، پيار دەگەن تەرميندەر دە قازىرگى زامان تالابىنا ساي شىققان انىقتامالار.
باستاپقىدا حايپ پەن پيار - ونەر ادامدارى مەن جاستارعا ءتان ەدى. ەندى بۇل نارسە ەڭ سەرەزنىي، سالماقتى دەگەن سالا-قۇقىق سالاسىنا، اتاپ ايتقاندا، قۇقىققورعاۋشىلارعا دا جۇقتى. ونىڭ ىشىندە دە جاستارىنا جۇقسا مەيلى، ساليقالى جاستاعىلارىنىڭ دا كەيبىرى “جۇلدىز” اۋرۋىمەن اۋىراتىن بولدى.
ونىڭ بەلگىلەرى قانداي، سوعان توقتالا كەتسەك،
- “قىرىق كىسى ءبىر جاق، قىڭىر كىسى ءبىر جاق”- بوپ، “بۇيرەكتەن سيراق شىعارۋ” ارقىلى ءوزىن تانىتۋ;
- ءوز پىكىرىمەن كەلىسپەيتىن، نەمەسە ءسوزىنىڭ سالماعى، ءمانى بار قارسى ءۋاج ايتقان ادامدى بلوكتاپ، پىكىرىن ءوشىرىپ تاستاۋ، نامىسىنا تيەتىن ءسوز جازۋ;
- ىستەردى (نەمەسە زاڭناما نورمالارىن) تولىققاندى زەرتتەپ، زەردەلەمەي، ەل الدىندا بايبالام سالۋ ارقىلى كوپشىلىك نازارىن وزىنە اۋدارۋ;
وسى تەكتەس بەلگىلەردى ارى قاراي دا تىزە بەرۋگە بولادى، ارينە... نەعۇرلىم ايعايلاي بەرسەك، دۇرىس بولسىن، بۇرىس بولسىن، پروتەست جاساپ، كەلىسپەۋشىلىك بىلدىرە بەرسەك، اسقان ءبىلىم يەسى بوپ كورىنەمىز دەپ ويلاسا كەرەك.
ەڭ وكىنىشتىسى-زاڭ ءبىلىمى جوق باسقا ماماندىق يەلەرى، ونىڭ ىشىندە قاراپايىم حالىق سول ايقايشىلارعا قۇلاي سەنەدى. ار جاعىنداعى تۇپكى ماقساتىن اڭعارمايدى. بايبالامنىڭ توركىنىن تۇسىنبەيدى. شۋلاۋعا، شۋلاتۋعا تۇراتىن نارسە مە، جوق “اتىڭ شىقپاسا، جەر ورتە”-دەگەن پرينتسيپپەن جاسالىپ جاتقان ايلا ما، بىلايعى جۇرت قايدان ءبىلسىن؟...
P.S. ءبىراز ۋاقىتتان بەرى “ماناستىڭ جىرىنداي” ۇزاق “جىرلانىپ” جاتقان، ادۆوكاتتار مەن زاڭ كونسۋلتانتتارىنىڭ كاسىبي زاڭىنا قاتىستى ەلىمىزدەگى ءبىراز زاڭگەرلەر تاراپىنان جاسالىپ جاتقان قورىتىندىلارعا الداعى ۋاقىتتا ءوز كوزقاراسىمدى ءبىلدىرىپ، پوست جازام. بۇل جولى ادامي فاكتورلارعا عانا توقتالدىم.
"ادىرنا" ۇلتتىق پورتالى
