Bizdiń halyqta “bir ıt kórip úredi, bir ıt erip úredi”-degen sóz bar. Advokattardyń kásibı zańnamasyna qatysty daý-damaı tóńireginde keı áriptesterimniń áreketteri osy sózdi eriksiz eske túsirdi..
Zaman talabyna saı bolý degen uǵym bar.
“Zamanyń túlki bolsa, tazy bop shal”-deıdi. Qazir aqparat maıdany zamany. Haıp, pıar degen termınder de qazirgi zaman talabyna saı shyqqan anyqtamalar.
Bastapqyda HAIP pen PIAR - óner adamdary men jastarǵa tán edi. Endi bul nárse eń sereznyı, salmaqty degen sala-quqyq salasyna, atap aıtqanda, quqyqqorǵaýshylarǵa da juqty. Onyń ishinde de jastaryna juqsa meıli, salıqaly jastaǵylarynyń da keıbiri “juldyz” aýrýymen aýyratyn boldy.
Onyń belgileri qandaı, soǵan toqtala ketsek,
- “Qyryq kisi bir jaq, qyńyr kisi bir jaq”- bop, “búırekten sıraq shyǵarý” arqyly ÓZIN tanytý;
- Óz pikirimen kelispeıtin, nemese sóziniń salmaǵy, máni bar qarsy ýáj aıtqan adamdy bloktap, pikirin óshirip tastaý, namysyna tıetin sóz jazý;
- Isterdi (nemese zańnama normalaryn) tolyqqandy zerttep, zerdelemeı, el aldynda baıbalam salý arqyly kópshilik nazaryn ózine aýdarý;
Osy tektes belgilerdi ary qaraı da tize berýge bolady, árıne... Neǵurlym aıǵaılaı bersek, durys bolsyn, burys bolsyn, protest jasap, kelispeýshilik bildire bersek, asqan bilim ıesi bop kórinemiz dep oılasa kerek.
Eń ókinishtisi-zań bilimi joq basqa mamandyq ıeleri, onyń ishinde qarapaıym halyq sol aıqaıshylarǵa qulaı senedi. Ar jaǵyndaǵy túpki maqsatyn ańǵarmaıdy. Baıbalamnyń tórkinin túsinbeıdi. Shýlaýǵa, shýlatýǵa turatyn nárse me, joq “atyń shyqpasa, jer órte”-degen prınıppen jasalyp jatqan aıla ma, bylaıǵy jurt qaıdan bilsin?...
P.S. Biraz ýaqyttan beri “Manastyń jyryndaı” uzaq “jyrlanyp” jatqan, advokattar men zań konsýltanttarynyń kásibı zańyna qatysty elimizdegi biraz zańgerler tarapynan jasalyp jatqan Qorytyndylarǵa aldaǵy ýaqytta óz kózqarasymdy bildirip, post jazam. Bul joly adamı faktorlarǵa ǵana toqtaldym.
"Adyrna" ulttyq portaly
