اسسامبلەيانىڭ باستى مىندەتى – مەملەكەتتىك ۇلتتىق ساياساتتى ىسكە اسىرۋ

1054

1995 جىلى ەلىمىزدىڭ تۇڭعىش پرەزدەنتى – ەلباسى ن. نازارباەۆتىڭ باستاماسىمەن قۇرىلعان قازاقستان حالقى اسسامبلەياسى وسى ۋاقىتقا دەيىن ەتنوسارالىق كەلىسىمنىڭ قازاقستاندىق مودەلىن قالىپتاستىرۋ جولىندا ەسەلى ەڭبەك ەتىپ كەلەدى. 28 ساۋىردە ەلوردامىز نۇر-سۇلتان قالاسىندا قازاقستاننىڭ تۇڭعىش پرەزيدەنتى – ەلباسى، قحا توراعاسى نۇرسۇلتان ءابىشۇلى نازارباەۆتىڭ توراعالىعىمەن «بىرلىكتىڭ، تاتۋلىق پەن كەلىسىمنىڭ 30 جىلى» تاقىرىبىنا ارنالعان قازاقستان حالقى اسسامبلەياسىنىڭ كەزەكتى سەسسياسى ونلاين فورماتتا بولىپ وتكەندىگى بارشاعا ءمالىم. قحا قىزمەتىنىڭ قورىتىندىسىن شىعارىپ، ونىڭ قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا مەملەكەتىمىزدىڭ ساياسي جانە الەۋمەتتىك-ەكونوميكالىق نەگىزدەرىن قالىپتاستىرۋ مەن نىعايتۋعا قوسقان ۇلەسىن اتاپ وتەتىندىكتەن، ونىڭ تاريحي ماڭىزى زور.

ەلىمىزدىڭ باستى قورعاۋشىسى، كۇشى سانالاتىن قوعامدىق كەلىسىم مەن ەتنوسارالىق ۇيلەسىمدى ساقتاۋ - ەلىمىزدىڭ الدىندا تۇرعان باستى مىندەت. اسسامبلەيانىڭ باستى مىندەتى – مەملەكەتتىك ۇلتتىق ساياساتتى ىسكە اسىرۋ، قازاقستانداعى قوعامدىق-ساياسي تۇراقتىلىقتى قامتاماسىز ەتۋ، مەملەكەتتىك جانە ازاماتتىق قوعام ينستيتۋتتارىنىڭ ەتنوسارالىق قاتىناستار سالاسىنداعى ءوزارا ءىس-قيمىلىنىڭ تيىمدىلىگىن ارتتىرۋ.

تاۋەلسىزدىك العان جىلدارى قازاقستاندى ءۇش ميلليونعا جۋىق ادام تاستاپ كەتىپ، ەل حالقى 14 ميلليونعا دەيىن ازايعانىن، بۇگىندە قازاقستان حالقى 19 ميلليونعا جاقىنداپ قالعانىن اتاپ وتكەن ەلباسى 2025 جىلعا قاراي ەل حالقىنىڭ سانى 20 ميلليونعا جەتۋى كەرەك دەگەن مىندەت قويعاندىعىن، ءوز ويىنشا، بۇل شەكتەن اساتىندىعىمىزدى باسا ايتتى.

اسسامبلەيا سەسسياسىندا قازاقستاننىڭ تۇڭعىش پرەزيدەنتى ءتىل ماسەلەسىنە توقتالىپ، حالىقتى بىرىكتىرەتىن تاعى ءبىر قۇندىلىق ءتىل ەكەنىنە نازار اۋدارتىپ، ەلىمىزدەگى ەتنوستاردىڭ مادەنيەتىن، ءتىلىن دامىتۋ ءۇشىن قاجەتتى بارلىق جاعداي جاسالعانىن اتاپ ءوتتى. ەلباسى بىرقاتار جاستىڭ اسسامبلەيانىڭ ارقاسىندا ومىرگە جاڭا جولداما العانىن ايتىپ، ولاردىڭ مەملەكەتتىك ءتىلدى ۇيرەنۋىنە ءدال وسى اسسامبلەيا سەبەپ بولعانىن جەتكىزدى.

قازاقستان حالقىنىڭ ءبىر شاڭىراقتىڭ استىنداعى ىنتىماقتاستىعىنا الەم سۇيسىنەدى. بارلىق ۇلت ءبىر-بىرىمەن تەڭ دارەجەدە ءبىلىم الىپ، قارىم-قاتىناس جاساي الادى، ەڭبەك ەتەدى. ادامداردىڭ بەرەكە-بىرلىگى، ىنتىماعى، سىيلاسىمدىلىعىن ءبىر-بىرىنە جاساعان قامقورلىعىنان، تاتۋلىعىنان بايقاۋعا بولادى.

قاي ەلدە بولماسىن ءومىر ءسۇرىپ جاتقان ءاربىر ەتنوس وكىلدەرىنىڭ رۋحاني جانە مادەني ومىرىندە بەيبىتشىلىك پەن كەلىسىم جانە جاسامپاز ەڭبەك بولۋى قاجەت ەكەندىگى بەلگىلى. بىزدەر دە قاپشاعاي قالاسىنداعى ءتۇرلى ۇلت وكىلدەرىمەن بىرگە ەلىمىزدىڭ دامۋ جولىندا ەڭبەك ەتىپ، بەرەكەلى تۇرمىس كەشىپ كەلىمىز. ەتنوس وكىلدەرى قالانىڭ الەۋمەتتىك-مادەني دامۋىنا ەلەۋلى ۇلەس قوسىپ كەلەدى. وسىنىڭ بارلىعىنا تەك ىنتىماق پەن بىرلىكتىڭ ارقاسىندا قول جەتكىزىپ وتىرعاندىعىمىز ءسوزسىز.

دامەتكەن نۇسىپبەكوۆا،

قاپشاعاي قالالىق

انالار كەڭەسىنىڭ ءتورايىمى

 

پىكىرلەر
ۇقساس جاڭالىقتار