1995 jyly Elımızdıŋ Tūŋǧyş Prezdentı – Elbasy N. Nazarbaevtyŋ bastamasymen qūrylǧan Qazaqstan halqy Assambleiasy osy uaqytqa deiın etnosaralyq kelısımnıŋ qazaqstandyq modelın qalyptastyru jolynda eselı eŋbek etıp keledı. 28 säuırde elordamyz Nūr-Sūltan qalasynda Qazaqstannyŋ Tūŋǧyş Prezidentı – Elbasy, QHA Töraǧasy Nūrsūltan Äbışūly Nazarbaevtyŋ töraǧalyǧymen «Bırlıktıŋ, tatulyq pen kelısımnıŋ 30 jyly» taqyrybyna arnalǧan Qazaqstan halqy Assambleiasynyŋ kezektı sessiiasy onlain formatta bolyp ötkendıgı barşaǧa mälım. QHA qyzmetınıŋ qorytyndysyn şyǧaryp, onyŋ Qazaqstan Respublikasy Täuelsızdıgınıŋ 30 jyldyǧy aiasynda memleketımızdıŋ saiasi jäne äleumettık-ekonomikalyq negızderın qalyptastyru men nyǧaituǧa qosqan ülesın atap ötetındıkten, onyŋ tarihi maŋyzy zor.
Elımızdıŋ basty qorǧauşysy, küşı sanalatyn qoǧamdyq kelısım men etnosaralyq üilesımdı saqtau - elımızdıŋ aldynda tūrǧan basty mındet. Assambleianyŋ basty mındetı – memlekettık ūlttyq saiasatty ıske asyru, Qazaqstandaǧy qoǧamdyq-saiasi tūraqtylyqty qamtamasyz etu, memlekettık jäne azamattyq qoǧam instituttarynyŋ etnosaralyq qatynastar salasyndaǧy özara ıs-qimylynyŋ tiımdılıgın arttyru.
Täuelsızdık alǧan jyldary Qazaqstandy üş millionǧa juyq adam tastap ketıp, el halqy 14 millionǧa deiın azaiǧanyn, bügınde Qazaqstan halqy 19 millionǧa jaqyndap qalǧanyn atap ötken Elbasy 2025 jylǧa qarai el halqynyŋ sany 20 millionǧa jetuı kerek degen mındet qoiǧandyǧyn, öz oiynşa, būl şekten asatyndyǧymyzdy basa aitty.
Assambleia sessiiasynda Qazaqstannyŋ Tūŋǧyş Prezidentı tıl mäselesıne toqtalyp, halyqty bırıktıretın taǧy bır qūndylyq tıl ekenıne nazar audartyp, elımızdegı etnostardyŋ mädenietın, tılın damytu üşın qajettı barlyq jaǧdai jasalǧanyn atap öttı. Elbasy bırqatar jastyŋ Assambleianyŋ arqasynda ömırge jaŋa joldama alǧanyn aityp, olardyŋ memlekettık tıldı üirenuıne däl osy Assambleia sebep bolǧanyn jetkızdı.
Qazaqstan halqynyŋ bır şaŋyraqtyŋ astyndaǧy yntymaqtastyǧyna älem süisınedı. Barlyq ūlt bır-bırımen teŋ därejede bılım alyp, qarym-qatynas jasai alady, eŋbek etedı. Adamdardyŋ bereke-bırlıgı, yntymaǧy, syilasymdylyǧyn bır-bırıne jasaǧan qamqorlyǧynan, tatulyǧynan baiqauǧa bolady.
Qai elde bolmasyn ömır sürıp jatqan ärbır etnos ökılderınıŋ ruhani jäne mädeni ömırınde beibıtşılık pen kelısım jäne jasampaz eŋbek boluy qajet ekendıgı belgılı. Bızder de Qapşaǧai qalasyndaǧy türlı ūlt ökılderımen bırge elımızdıŋ damu jolynda eŋbek etıp, berekelı tūrmys keşıp kelımız. Etnos ökılderı qalanyŋ äleumettık-mädeni damuyna eleulı üles qosyp keledı. Osynyŋ barlyǧyna tek yntymaq pen bırlıktıŋ arqasynda qol jetkızıp otyrǧandyǧymyz sözsız.
Dämetken NÜSIPBEKOVA,
Qapşaǧai qalalyq
Analar keŋesınıŋ töraiymy
