تاۋەلسىزدىكتىڭ 30 جىلدىعىنا وراي اۋداندىق دەنە شىنىقتىرۋ جانە سپورت ءبولىمى مەن جاستار رەسۋرستىق ورتالىعىنىڭ ۇيىمداستىرۋىمەن ەرلەر اراسىندا ۆولەيبول جارىسى ءوتتى. سپورتتىق باسەكەگە اۋىلدىق وكرۋگتەرگە قاراستى سپورت كوماندالارى قاتىستى. ەپيدەميولوگيالىق جاعدايعا بايلانىستى قاتىسۋشى كوماندالار الدىمەن ءۇش ورىندا ويىن كورسەتتى.
سالتاناتتى جيىننىڭ اشىلۋى دەنە شىنىقتىرۋ-ساۋىقتىرۋ كەشەنىندە ءوتتى. اتاپ وتەيىك، كەشەننىڭ اشىلۋى كارانتين ۋاقىتىنا تۇسكەندىكتەن، بۇل سۋ جاڭا عيماراتتا وسى ۋاقىتقا دەيىن ەشبىر جارىس وتكىزىلمەگەن. ۆولەيبول جارىسى – كەشەندە وتكىزىلگەن ەڭ العاشقى سپورتتىق جارىس.
سپورتتىق جارىستىڭ اشىلۋ سالتاناتىندا اۋداندىق ءماسليحات حاتشىسى ق.ساتانوۆ ءسوز سويلەپ، وسىنداي قيىن ۋاقىتتا سالاۋاتتى ءومىر سالتىن ناسيحاتتاۋ، سپورتشىلاردىڭ شەبەرلىگىن شىڭداۋ وتە ماڭىزدى ەكەنىن ايتتى. سونىمەن قاتار جەرگىلىكتى باسىلىمنىڭ باس رەداكتورى، سپورتتىق باسەكەلەردە بوي كورسەتىپ جۇرگەن ج.يساباەۆ تا سپورتشىلار قاۋىمىنا يگى تىلەگىن جولدادى.
تارتىستى وتكەن جارىسقا بارلىعى ون كوماندا قاتىستى: قاينارلى، سىرىمبەت، الدابەرگەنوۆ، اقىن سارا، جالعىزاعاش، كوكجازىق، قارابۇلاق، بيعاش، باقتىباي جانە جەتىسۋ قۇراما كوماندالارىنىڭ سپورتشىلارى. تارتىستى باسەكەدە بارلىق قۇراما كوماندانىڭ ويىنشىلارى بار شەبەرلىكتەرىن كورسەتتى.
قىزۋ تارتىستى وتكەن جارىستىڭ قورىتىندىسى بويىنشا ءى ورىندى الدابەرگەنوۆ، ءىى ورىندى باقتىباي جانە ءىىى ورىندى جالعىزاعاش قۇراما كوماندالارىنىڭ سپورتشىلارى يەلەندى. جەڭىمپازدار ديپلوم، كۋبوك، مەدالدارمەن جانە سىيلىقتارمەن ماراپاتتالدى. ويىندا بەلسەندى ونەر كورسەتكەن جالعىزاعاش قۇراما كومانداسىنىڭ ويىنشىسى د.ورىنباسار كورەرمەندەر كوزايىمىنا يە بولىپ، ارنايى سىيلىقپەن ماراپاتتالدى.
زەينەگۇل جۇمابەكوۆا
