بيىلعى جىلدىڭ «ءبىر ەل -ءبىر كىتاپ» رەسپۋبليكالىق اكتسياسى اياسىندا «ب.مومىشۇلى اتىنداعى مەكتەپ-گيمنازيا» كمم كىتاپحاناسىندا قازاقستان رەسپۋبليكاسى تاۋەلسىزدىگىنىڭ مەرەيتويىنا ارنالعان «تاۋەلسىزدىگىمىزدىڭ 30 جىلدىعىنا - 30 كىتاپ» اتتى كىتاپ كورمەسى ۇيىمداستىرىلدى.
قازاقستاندا «ءبىر ەل – ءبىر كىتاپ» رەسپۋبليكالىق اكتسياسى 2007 جىلدان بەرى قازاقستان رەسپۋبليكاسى ۇلتتىق اكادەميالىق كىتاپحاناسى مەن قازاقستان رەسپۋبليكاسىنىڭ كىتاپحانالىق قاۋىمداستىعى باستاماسىمەن قر مادەنيەت جانە سپورت مينيسترلىگىنىڭ قولداۋىمەن 15 جىل بويى وتكىزىلىپ كەلەدى.
اكتسيانىڭ ماقساتى – حالىق ادەبيەتىن ناسيحاتتاۋ، تاريحي، مادەني جانە رۋحاني مۇرانى ساقتاۋ، جاستارعا ادامگەرشىلىك-پاتريوتتىق تاربيە بەرۋ، انا ءتىلىن قۇرمەتتەۋ. اكتسيانىڭ مىندەتى – قازاق ادەبيەتىن كەڭىنەن ناسيحاتتاپ، حالىقتىڭ وقۋعا دەگەن قىزىعۋشىلىعىن ارتتىرۋ، قازاقستاننىڭ ادەبي مۇراسىن زەرتتەۋگە دەگەن قىزىعۋشىلىقتى دامىتۋ، سونىمەن قاتار جاس ۇرپاقتىڭ ينتەللەكتۋالدى جانە رۋحاني دامۋىنا ۇلەس قوسۋ.
جىل سايىن «ءبىر ەل – ءبىر كىتاپ» رەسپۋبليكالىق اكتسياسى اياسىندا ەلىمىزدىڭ بارلىق كىتاپحانالارىندا كوپتەگەن ءىس-شارالار مەن كىتاپ كورمەلەرى ۇيىمداستىرىلىپ، اكتسيا مەن تاڭداۋلى اۆتورلار، ولاردىڭ كىتاپتارى تۋرالى اقپارات بەرىلەدى، سونداي-اق قازاقستاننىڭ كورنەكتى جازۋشىلارىنىڭ شىعارمالارى وقىرماندار نازارىنا ۇسىنىلادى.
قازاقستاندا 2021 جىل تاۋەلسىزدىك جىلى دەپ جاريالاندى. وسىعان وراي «ءبىر ەل – ءبىر كىتاپ» رەسپۋبليكالىق اكتسياسى ەل تاۋەلسىزدىگىنىڭ 30 جىلدىعىنا ارنالدى. اتالمىش اكتسيا اياسىندا «30 كىتاپ - تاۋەلسىزدىكتىڭ 30 جىلدىعىنا» اتاۋىمەن تانىمال قازاقستاندىق اۆتورلاردىڭ پوەزيا، پروزا، دراماتۋرگيا، بالالار ادەبيەتى جانە اۋدارما سالاسىنداعى 30 ۇزدىك شىعارماسى جالپىحالىقتىق وقۋعا ىرىكتەلدى.مەكتەپ كىتاپحاناسىندا پوەزيا، پروزا، دراماتۋرگيا، بالالار ادەبيەتى جانە اۋدارما سالاسىنداعى اۆتورلاردىڭ 30 ەڭ ۇزدىك جۇمىستارى قويىلىپ، جۇمىس جوسپارى بەكىتىلدى. اقيىق اقىنىمىز م.ماقاتاەۆتىڭ 90 جىلدىق مەرەيتويى قارساڭىندا، ءبىر ەل ءبىر كىتاپ اكتسياسى اياسىندا اقىننىڭ «ءومىرداستان» كىتابىنا ونلاين كىتاپ كورمەسى ۇيىمداستىرىلىپ، ولەڭدەرى وقىرماندارعا ۇسىنىلدى. سونىمەن قاتار ج.ناجىمەدەنوۆ «مەنىڭ قازاقستانىم»، ب.سوقپاقباەۆ «جەكپە-جەك»، ى.التىنسارين «ونەر-ءبىلىم بار جۇرتتار»، داۋرەن كۋات «بورىسوقپاق» - كىتاپتارىنا بيبليوگرافيالىق شولۋ جاسالىندى.
مەملەكەت باسشىسى كارانتين كەزىندە وقۋعا 30-كىتاپتىڭ ءتىزىمىن ۇسىندى.وسى اياسىندا اۋداندىق مەكتەپ كىتاپحاناشىلارىنىڭ اراسىندا «وقۋعا قۇشتار مەكتەپ» اتتى ەستافەتا چەللەندجى وتكىزىلدى. اۋدان مەكتەپتەرىنە «وقۋعا قۇشتار مەكتەپ» اتتى ستەندتەر بەرىلىپ، «وقۋعا قۇشتار ۇستاز»، «وقۋعا قۇشتار اتا-انا»، «وقۋعا قۇشتار كىشى قىزمەتكەرلەر»، «وقۋعا قۇشتار وقۋشى» اتتى اۋدان ارالىق چەللەندج ەستافەتالار وتكىزىلدى. كىتاپ وقۋدى داعدىعا ايلاندىرۋ ماقساتىندا باستالعان بۇل باستاما وڭ ناتيجە بەرۋدە.
ا. دۇيسەنوۆا،
م.بۇعىباەۆا.،
«ب.مومىشۇلى اتىنداعى
مەكتەپ-گيمنازيا» كوممۋنالدىق
مەملەكەتتىك مەكەمەسىنىڭ
مەكتەپ كىتاپحاناشىلارى.
