Bıylǵy jyldyń «Bir el -bir kitap» respýblıkalyq akııasy aıasynda «B.Momyshuly atyndaǵy mektep-gımnazııa» KMM kitaphanasynda Qazaqstan Respýblıkasy Táýelsizdiginiń mereıtoıyna arnalǵan «Táýelsizdigimizdiń 30 jyldyǵyna - 30 kitap» atty kitap kórmesi uıymdastyryldy.
Qazaqstanda «Bir el – bir kitap» respýblıkalyq akııasy 2007 jyldan beri Qazaqstan Respýblıkasy Ulttyq akademııalyq kitaphanasy men Qazaqstan Respýblıkasynyń kitaphanalyq qaýymdastyǵy bastamasymen QR Mádenıet jáne sport mınıstrliginiń qoldaýymen 15 jyl boıy ótkizilip keledi.
Akııanyń maqsaty – halyq ádebıetin nasıhattaý, tarıhı, mádenı jáne rýhanı murany saqtaý, jastarǵa adamgershilik-patrıottyq tárbıe berý, ana tilin qurmetteý. Akııanyń mindeti – qazaq ádebıetin keńinen nasıhattap, halyqtyń oqýǵa degen qyzyǵýshylyǵyn arttyrý, Qazaqstannyń ádebı murasyn zertteýge degen qyzyǵýshylyqty damytý, sonymen qatar jas urpaqtyń ıntellektýaldy jáne rýhanı damýyna úles qosý.
Jyl saıyn «Bir el – bir kitap» respýblıkalyq akııasy aıasynda elimizdiń barlyq kitaphanalarynda kóptegen is-sharalar men kitap kórmeleri uıymdastyrylyp, akııa men tańdaýly avtorlar, olardyń kitaptary týraly aqparat beriledi, sondaı-aq Qazaqstannyń kórnekti jazýshylarynyń shyǵarmalary oqyrmandar nazaryna usynylady.
Qazaqstanda 2021 jyl Táýelsizdik jyly dep jarııalandy. Osyǵan oraı «Bir el – bir kitap» respýblıkalyq akııasy el táýelsizdiginiń 30 jyldyǵyna arnaldy. Atalmysh akııa aıasynda «30 kitap - Táýelsizdiktiń 30 jyldyǵyna» ataýymen tanymal qazaqstandyq avtorlardyń poezııa, proza, dramatýrgııa, balalar ádebıeti jáne aýdarma salasyndaǵy 30 úzdik shyǵarmasy jalpyhalyqtyq oqýǵa irikteldi.Mektep kitaphanasynda poezııa, proza, dramatýrgııa, balalar ádebıeti jáne aýdarma salasyndaǵy avtorlardyń 30 eń úzdik jumystary qoıylyp, jumys jospary bekitildi. Aqıyq aqynymyz M.Maqataevtyń 90 jyldyq mereıtoıy qarsańynda, bir el bir kitap akııasy aıasynda aqynnyń «Ómirdastan» kitabyna onlaın kitap kórmesi uıymdastyrylyp, óleńderi oqyrmandarǵa usynyldy. Sonymen qatar J.Nájimedenov «Meniń Qazaqstanym», B.Soqpaqbaev «Jekpe-jek», Y.Altynsarın «Óner-bilim bar jurttar», Daýren Kýat «Bórisoqpaq» - kitaptaryna bıblıografııalyq sholý jasalyndy.
Memleket basshysy karantın kezinde oqýǵa 30-kitaptyń tizimin usyndy.Osy aıasynda aýdandyq mektep kitaphanashylarynyń arasynda «Oqýǵa qushtar mektep» atty estafeta chellendji ótkizildi. Aýdan mektepterine «Oqýǵa qushtar mektep» atty stendter berilip, «Oqýǵa qushtar ustaz», «Oqýǵa qushtar ata-ana», «Oqýǵa qushtar kishi qyzmetkerler», «Oqýǵa qushtar oqýshy» atty aýdan aralyq chellendj estafetalar ótkizildi. Kitap oqýdy daǵdyǵa aılandyrý maqsatynda bastalǵan bul bastama oń nátıje berýde.
A. Dúısenova,
M.Buǵybaeva.,
«B.Momyshuly atyndaǵy
mektep-gımnazııa» kommýnaldyq
memlekettik mekemesiniń
mektep kitaphanashylary.
