تاۋەلسىزدىك بارىنەن قىمبات

4005
Adyrna.kz Telegram

بيىل ەگەمەن ەل اتانىپ، تاۋەلسىزدىك الاعىنىمىزعا 30 جىل. 30 جىلدا قاز-قاز تۇرىپ، ءتاي-ءتاي باسقان قازاقستان الەمدىك ەلدەرمەن تەرەزەسى تەڭ ەلگە اينالدى. تاۋەلسىزدىك العان جىلدان باستاپ پارتيا توراعاسى، ەلباسى نۇرسۇلتان ءابىشۇلى نازارباەۆ ەلىمىزدى قيىن كەزەڭدەردەن ءوزىنىڭ سارابدال ساياساتىمەن الىپ شىعا ءبىلدى. التاي مەن اتىراۋعا دەيىن سوزىلىپ جاتقان ۇلى دالامىزدىڭ شەكاراسىن شەگەدەپ، بەكىتتى. بۇل ءبىزدىڭ كەشەگى وتكەن بابالارىمىزدىڭ اق بىلەكتىڭ كۇشىمەن، اق نايزانىڭ ۇشىمەن قورعاپ، اماناتتاپ كەتكەن اتامەكەنى. وسى ەلدىڭ بولاشاعىن جارقىن قىلۋ، تاۋەلسىز قازاقستاننىڭ ماڭگىلىك ەل اتانۋىنا كۇش سالۋ بۇگىنگى جاس ۇرپاق ءبىزدىڭ قولىمىزدا.

تاۋەلسىزدىك تۋرالى مەملەكەت باسشىسى قاسىم-جومارت توقاەۆ ءوزىنىڭ «تاۋەلسىزدىك بارىنەن قىمبات» اتتى ماقالاسىندا:

…حالقىمىزدىڭ ءبىرتۋار پەرزەنتى ءاليحان بوكەيحانوۆ «ۇلتقا قىزمەت ەتۋ بىلىمنەن ەمەس، مىنەزدەن» دەگەن. ءبىز شىنايى پاتريوتتىق سەزىممەن رۋحتانىپ، قاسيەتتى تاۋەلسىزدىگىمىزدى ودان ءارى نىعايتا ءتۇسۋ ءۇشىن بىرلەسە جۇمىس ىستەۋىمىز كەرەك. تاۋەلسىز ەل بولۋ ونى جاريالاۋمەن نەمەسە مەملەكەتتىڭ ىرگەتاسىن قالاۋمەن شەكتەلمەيدى. تاۋەلسىزدىك ءۇشىن ناعىز كۇرەس كۇندەلىكتى ەڭبەكپەن، ۇزدىكسىز ءارى دايەكتى ەلدىك ساياساتپەن ماڭگى جالعاسادى. ءبىز قۋاتتى تاۋەلسىز مەملەكەتىمىزبەن عانا ۇلت رەتىندە جەر بەتىندە ساقتالامىز. وسى اينىماس اقيقاتتى بەرىك ۇستانۋىمىز قاجەت. «تاۋەلسىزدىك بارىنەن قىمبات!» دەگەن ءبىر اۋىز ءسوز ماڭگى ۇرانىمىز بولۋعا ءتيىس. ۇلتىمىزدىڭ ۇلى ۇستىنى – قاستەرلى تاۋەلسىزدىگىمىز بارشا جۇرتىمىزدىڭ پاتريوتتىق رۋحىمەن اسقاقتاي بەرسىن!-دەگەن بولاتىن.

«Nur Otan» پارتياسى جامبىل اۋداندىق فيليالى دا تاۋەلسىزدىكتىڭ 30 جىلدىعىنا وراي «30 يگى ءىس»، «تاۋەلسىزدىككە -30 جىل» سياقتى جوبالار اياسىندا پارتيا فيليالىنا كەلىپ، ءوز ماسەلەلەرىن كوتەرگەن ازاماتتارمەن جۇمىس اتقارۋدا. سونىڭ ارقاسىندا بيىلعى جىلدىڭ العاشقى 5 ايىندا 100-گە تارتا وتباسىعا ازىق-تۇلىكپەن جانە قارجىلاي كومەك كورسەتىلدى. الداعى ۋاقىتتا بۇل شارالار ءوز جالعاسىن تاباتىن بولادى.

 ىقىلاس ەركىنۇلى امالبەك،

«Nur Otan» پارتياسى جامبىل اۋداندىق فيليالى

ءبىرىنشى ورىنباسارى

پىكىرلەر