Grammy سىيلىعىنىڭ يەگەرى قازاقستاندىق يمانبەك زەيكەنوۆ رەسەيلىك Comedy Club تەلەشوۋىنىڭ قوناعى بولدى، دەپ حابارلايدى "ادىرنا" ۇلتتىق پورتالى دەرەككوزگە سىلتەمە جاساپ.
پاۆەل ۆوليا مەن گاريك حارلاموۆ شوۋدا يمانبەكتىڭ كىم ەكەنىن ايتتى. ۆيدەوسى Youtube-تە جاريالاندى. وندا پاۆەل ۆوليا قازىر شوۋدى قاراپ وتىرعان بارلىق قازاقتىڭ ەڭسەسى كوتەرىلىپ قالدى دەپ ازىلدەدى.
سونداي-اق، قازاقستاندىق ءۇش جىل بۇرىن مۋزىكامەن اينالىسا باستاعانىن ايتتى. سوندا ۆوليا تاڭدانىپ: ء"ۇش جىل بۇرىن. كىم ول ءوزى؟" دەيدى. ال يمانبەك جولى بولعىش ادام ەكەنىن ايتتى.
جۇرگىزۋشىلەر 2020 جىلدىڭ قازانىندا ول امەريكالىق Usher جانە Marshmello-مەن بىرگە ترەك جازعانىن ەسكە سالدى. ء"ان "Too much" دەپ اتالادى. ال 2021 جىلدىڭ اقپانىندا يمانبەك پەن ۇلىبريتانيالىق ءانشى Rita Ora "Bang" اتتى جاڭا شاعىن البوم شىعاردى", - دەدى ولار. سوندا پاۆەل ۆوليانىڭ تاڭدانىسىنا يمانبەك "مەن - قازاقپىن" دەپ قىسقاشا جاۋاپ قاتتى، سودان كەيىن حارلاموۆتان تاعى ءبىر ءازىلى كەتتى:
"سەن قازاق ەمەسسىڭ، سەن - "قازاقتىڭ كۇلبيكەسىسىڭ", - دەدى گاريك حارلاموۆ.
وسىدان كەيىن رەسەيلىك جۇرگىزۋشىلەر قازاقستاندىققا تاڭدانىسىن ءبىلدىرىپ، وعان قاراپايىم ءارى سابىرلى جىگىت بولىپ قالا بەرۋىن تىلەدى.
شوۋدىڭ يمانبەك قاتىسقان ءساتىن مىنا جەردەن كورۋگە بولادى:
