رەسەيدىڭ ۆولگوگراد وبلىسىندا «ورتالىق ازيا – ورتالىق» ماگيسترالدى گاز قۇبىرى ىستەن شىقتى. Report اگەنتتىگىنىڭ حابارلاۋىنشا، بۇل تۋرالى ربك-ۋكراينا ءوز دەرەككوزدەرىنە سىلتەمە جاساپ مالىمدەدى، دەپ حابارلايدى “ادىرنا”.
رەسمي سەبەپ رەتىندە 19 جەلتوقساندا ورىن العان توپىراقتىڭ شوگۋى اتالدى. حابارلامادا ايتىلعانداي، وقيعانىڭ «ەلەۋسىز» دەپ باعالانۋىنا قاراماستان، بىرنەشە ساعاتتىڭ ىشىندە اپات ورنىنا جەدەل جانە ارنايى قىزمەتتەردىڭ كوپتەگەن كولىكتەرى تارتىلعان.
گاز تاسىمالداۋ بەلگىسىز مەرزىمگە توقتاتىلدى.
اتالعان قۇبىر «گازپرومعا» تيەسىلى گاز قۇبىرلارى جۇيەسىنىڭ ءبىر بولىگى جانە تۇرىكمەنستاننان وزبەكستان مەن قازاقستان ارقىلى رەسەيگە تابيعي گاز تاسىمالدايدى.
ەسكە سالايىق، «ورتالىق ازيا – ورتالىق» ماگيسترالدى گاز قۇبىرى بۇعان دەيىن دە، 2025 جىلعى 2 تامىزدا ۆولگوگراد وبلىسىنداعى ديناموۆسكوە اۋىلى ماڭىندا بولعان جارىلىستاردان كەيىن ىستەن شىققان ەدى.
