وسىدان ءبىر جىل بۇرىن رەسەيلىك باسقىنشىلاردان بوساتىلعان ۋكراينانىڭ بۋچا قالاسىنا ەۋروپا كوشباسشىلارى كەلدى. ولاردىڭ اراسىندا مولدوۆا باسشىسى مايا ساندۋ، ءۇش ەلدىڭ پرەمەر-مينيسترلەرى ەدۋارد گەگەر (سلوۆاكيا), روبەرت گولوب (سلوۆەنيا) جانە اندرەي پلەنكوۆيچ (حورۆاتيا) بار، دەپ حابارلايدى "ادىرنا" ۇلتتىق پورتالى.
مولدوۆا پرەزيدەنتى مايا ساندۋ ءوزىنىڭ ۋكرايناعا ساپارى جايلى Twitter-دە حابارلادى.
"مولدوۆا حالقى الەم جۇرتشىلىعىمەن قاشان دا بىرگە. ءبىز بۋچاداعى بەيبىت تۇرعىندارعا جاسالعان تەرروردى ۇمىتپايمىز. جازىقسىز جان ءتاسىلىم ەتكەن جانداردى جۇرەگىمىزدە ساقتايمىز جانە قايعىرا ەسكە الامىز", – دەدى ساندۋ.
سونىمەن قاتار، پرەزيدەنت دەموكراتيالىق ەلدەردىڭ مۇنداي قاتىگەزدىكتەردى تەرگەۋ مەن جازالاۋعا ارالاسىپ، بىرلەسىپ جۇمىس اتقارۋى كەرەك ەكەندىگىن اتاپ ءوتتى.
مولدوۆا پرەزيدەنتى ءبىر جىل بۇرىن رەسەيلىك باسقىنشىلاردان بوساتىلعان بۋچي قالاسىنىڭ سۋرەتىن جاريالادى. سونىمەن قاتار، قالاعا پرەزيدەنت ۆلاديمير زەلەنسكيمەن بىرگە سلوۆاكيا پرەمەر-مينيسترلەرى ەدۋارد گەيگەر، سلوۆەنيا روبەرت گولوب جانە حورۆاتيا اندرەي پلەنكوۆيچ كەلدى.
"ادىرنا" ۇلتتىق پورتالى
