"Qazaqtyń Kúlbıkesi". Imanbek Comedy Club qonaǵy boldy

1617

Grammy syılyǵynyń ıegeri qazaqstandyq Imanbek Zeıkenov reseılik Comedy Club teleshoýynyń qonaǵy boldy,  dep habarlaıdy "Adyrna" ulttyq portaly derekkózge silteme jasap.

Pavel Volıa men Garık Harlamov shoýda Imanbektiń kim ekenin aıtty. Vıdeosy Youtube-te jarııalandy. Onda Pavel Volıa qazir shoýdy qarap otyrǵan barlyq qazaqtyń eńsesi kóterilip qaldy dep ázildedi.

Ári qaraı júrgizýshiler jigitten qalaı temirjolshydan bedeldi syılyqtyń ıegerine deıin jetkenin suraı bastady. Imanbek onyń syry qymyzda dep qaljyńdady.

Sondaı-aq, qazaqstandyq úsh jyl buryn mýzykamen aınalysa bastaǵanyn aıtty. Sonda Volıa tańdanyp: "Úsh jyl buryn. Kim ol ózi?" deıdi. Al Imanbek joly bolǵysh adam ekenin aıtty.

Júrgizýshiler 2020 jyldyń qazanynda ol amerıkalyq Usher jáne Marshmello-men birge trek jazǵanyn eske saldy. "Án "Too much" dep atalady. Al 2021 jyldyń aqpanynda Imanbek pen ulybrıtanııalyq ánshi Rita Ora "Bang" atty jańa shaǵyn albom shyǵardy", - dedi olar. Sonda Pavel Volıanyń tańdanysyna Imanbek "Men - qazaqpyn" dep qysqasha jaýap qatty, sodan keıin Harlamovtan taǵy bir ázili ketti:

"Sen qazaq emessiń, sen - "qazaqtyń Kúlbıkesisiń", - dedi Garık Harlamov.

Osydan keıin reseılik júrgizýshiler qazaqstandyqqa tańdanysyn bildirip, oǵan qarapaıym ári sabyrly jigit bolyp qala berýin tiledi.

Shoýdyń Imanbek qatysqan sátin myna jerden kórýge bolady:

Pikirler
Uqsas jańalyqtar