مارس - كۇننەن ەڭ الىس ورنالاسقان ءتورتىنشى جانە كۇن جۇيەسىندەگى جەتىنشى پلانەتا; پلانەتانىڭ ماسساسى - جەر ماسساسىنىڭ 10,7% قۇرايدى. مارس پلانەتاسىنىڭ اتاۋى - ەجەلگى گرەك ارەسكە ۇقساس ەجەلگى ريمدىك سوعىس قۇدايىمەن اتالعان
مارسقا ءبىرىنشى بولىپ 1971 ج. كەڭەستىك AMS Mars-3 ءتۇسىرۋ ماشيناسى قوندى. اۆتوماتتاندىرىلعان مارسيان ستانتسياسىنىڭ دەرەكتەرى مارس بەتىنە قونعاننان كەيىن كوپ ۇزاماي بەرىلە باستادى، بىراق 14,5 سەكۋندتان كەيىن قايتا توقتادى.
تاجىريبە ناتيجەسىنەن بايقار بولساق، ءتىرى ورگانيزمدەردىڭ مارستا تاۋ جىنىستارىنداعى جارىقتاردا جانە كىشىگىرىم ۇڭگىرلەردە (ۋلترافيولەت ساۋلەلەرىنەن قورعانۋ ءۇشىن) ۇزاق ۋاقىت بولعاننان كەيىن دە ءتىرى قالۋعا مۇمكىندىگى بار ەكەنىن راستادى. ءبىر جاعىنان، بۇل مارستا عالامنان تىس ءومىر بولۋى مۇمكىن دەگەندى بىلدىرەدى.
عالىمداردىڭ انىقتاۋىنشا مارستاعى تارتىلىس كۇشى جەردەگىدەن الدەقايدا تومەن، دالىرەك ايتساق، 62% تومەن. بۇل مارستىڭ اۋىرلىق كۇشى جەردىڭ 38% قۇرايدى دەگەندى بىلدىرەدى. سالماعى 100 كگ بولاتىن ادام، مارستا 38 كگ عانا سالماقتا بولادى.
Abiboo ستۋدياسىنىڭ ديزاينەرلەرى، ادامزاتتىڭ قىزىل پلانەتادا قايدا جانە قالاي ءومىر سۇرەتىنىن كورسەتتى. ولاردىڭ پايىمداۋىنداعى مارستاعى قالا ەجەلگى قىتاي قۇدايى قۇرمەتىنە نۋۆا دەپ اتالدى. ستۋديا ساۋلەتشىلەرى مەن ديزاينەرلەرى پلانەتانىڭ ەرەكشەلىكتەرىن جاقسى ءتۇسىنۋ ءۇشىن مارس زەرتتەۋشىلەرىمەن بىرگە جۇمىس ىستەدى جانە ولار بىرلەسىپ ءبىرىنشى قالا جارتاستا ورنالاسۋى كەرەك دەگەن قورىتىندىعا كەلدى.
"وندا 250 مىڭ ادامعا دەيىن ءومىر سۇرە الادى. تۇرعىنداردى رادياتسيالىق جانە اتموسفەرالىق قىسىمنان قورعاۋ ءۇشىن عيماراتتاردى كۇمبەزبەن جابۋ كەرەك. ال قالا تۇرعىندارى وسىرىلگەن وسىمدىكتەردىڭ وتتەگىمەن قامتاماسىز ەتىلەدى. ىشكى جۇيەلەردىڭ جۇمىسىنا ارنالعان ەنەرگيا، قۋاتتى كۇن پانەلدەرىنىڭ كومەگىمەن الىنادى. بارلىق عيماراتتار مارستا بار ماتەريالداردىڭ كومەگىمەن جاسالادى. ەگەر ول ايماقتان سۋ كوزى تابىلسا، بۇل جوبا بويىنشا جۇمىستى جەڭىلدەتەدى - سۋدان كومىرتەك ءتۇزىلۋى مۇمكىن، بۇل ءوز كەزەگىندە بولات جاساۋعا كومەكتەسەدى", دەيدى Abiboo ستۋدياسىنىڭ ماماندارى.
مارس زەرتتەۋشىلەرى مەن ستۋديا ديزاينەرلەرىنىڭ زەرتتەۋىنشە، بءىرىنشى مارس قالاسىنىڭ قۇرىلىسى 2054 جىلى باستالادى دەپ كۇتىلۋدە. ول جاققا 2100 جىلعا قاراي اۋقىمدى قونىس اۋدارۋعا دايىن بولادى.
ال امەريكاندىق ونەرتاپقىش يلون ماسك مارستاعى قالانىڭ جەردەن تاۋەلسىز بولعانىن قالايدى. SpaceX نەگىزىن قالاۋشى يلون ماسك تا مارستا ءوزىن-ءوزى قامتاماسىز ەتەتىن قالا سالعىسى كەلەدى جانە وندا ءومىر ءسۇرۋ جەردىڭ قولداۋىنا مۇلدە تاۋەلدى بولماعانىن قالايدى. ونىڭ ويىنشا، بۇنداي جاعداي ورىن الار بولسا بۇل ءۇشىنشى دۇنيەجۇزىلىك سوعىسقا دەيىن بولۋى كەرەك. ماسك بۇل تۋرالى ادامداردىڭ مارستى زەرتتەۋگە ارنالعان جىل سايىنعى كونفەرەنتسيادا ايتتى.
"مارستاعى ەلدى مەكەندەردىڭ جوبالارى ازىرلەنۋدە. الايدا، ولاردى جەر بەتىندە كەز-كەلگەن اۋقىمدى كاتاكليزم پايدا بولعانعا دەيىن اياقتاۋ كەرەك. مارستىڭ ءوز-ءوزىن قامتاماسىز ەتۋى كەز-كەلگەن كولونيزاتسيالاۋدا ساتتىلىككە جەتۋدىڭ نەگىزگى باعدارى بولار ەدى. جەردەگى وركەنيەت دامۋى تىم كەرەمەت بولىپ كورىنبەيدى، كەرىسىنشە الاڭداۋلى. مارستا تاۋەلسىز قالا قۇرۋ جوسپارلارى بولعانى جاقسى. بىرنەشە ادام نەمەسە بازا عانا ەمەس، ناعىز تاۋەلسىز قالا قۇرىلسا تاماشا بولماق", - دەپ اتاپ ءوتتى SpaceX باس ديرەكتورى.
ميللياردەردىڭ ايتۋىنشا، جەردەگى تىرشىلىك توقتاپ قالعان جاعدايدا مارستاعى تىرشىلىكتى ەكىنشى نۇسقا رەتىندە، تۇرعىلىقتى مەكەن رەتىندە قاراستىرىپ، جوسپارلار قۇرعان ابزال. سونىمەن قوسا، جەردە بىرقاتار ىقتيمال جاعدايلار تۋىنداۋى مۇمكىن. اتاپ ايتقاندا، كومەتانىڭ سوققىسى، جانارتاۋ اتقىلاۋى نەمەسە ءتىپتى جەردەگى «يادرولىق ارماگەددوننىڭ» مىسالدارىن كەلتىردى. ءبىز ەشقاشان ءۇشىنشى دۇنيەجۇزىلىك سوعىس بولمايدى دەپ ۇمىتتەنەمىز. بىراق سوعىستان بولەك تابيعات اپاتتارىنىڭ ءوزىنىڭ ىقتيمالدىلىعى جوعارى. سوندىقتان ءبىز مارستىق قالانى كەز-كەلگەن مۇمكىن بولاتىن ءۇشىنشى دۇنيەجۇزىلىك سوعىسقا دەيىن تاۋەلسىز ەتۋگە تىرىسۋىمىز كەرەك، - دەپ قورىتىندىلادى ماسك.
"ادىرنا" ۇلتتىق پورتالى
