فوتو: ەرا
يتاليا بيلىگى رەسەيدىڭ ۋكرايناعا باسىپ كىرۋىن قولداعان وپەرا ءانشىسى يلدار ابدرازاكوۆتىڭ جوسپارلانعان كونتسەرتىن توقتاتتى. بۇل تۋرالى ەۋروپارلامەنت ۆيتسە-پرەزيدەنتى پينا پيچەرنو ح (بۇرىنعى Twitter) الەۋمەتتىك جەلىسىندە جازدى، دەپ حابارلايدى “ادىرنا”.
پيچەرنونىڭ ايتۋىنشا، ابدرازاكوۆ رەسەي پرەزيدەنتى ۆلاديمير ءپۋتيننىڭ سەنىمدى وكىلدەرىنىڭ ءبىرى بولعان. ول 2026 جىلدىڭ قاڭتار ايىندا ۆەرونا قالاسىنداعى ايگىلى Teatro Filarmonico ساحناسىندا «دون جۋان» وپەراسىندا ءان سالۋى ءتيىس ەدى.
ء«بىز تاعى دا پۋتين مەن كرەملدىڭ ۇگىت-ناسيحاتىنا قارسى جەڭىسكە جەتتىك. ابدرازاكوۆ ۆەرونا ارەناسىندا ونەر كورسەتپەيدى»، – دەپ جازدى پيچەرنو.
ايتا كەتسەك، بيىل شىلدە ايىندا يتاليادا رەسەيدىڭ تاعى ءبىر سەنىمدى تۇلعاسى – مارين جانە ۇلكەن تەاترلاردىڭ باس ديرەكتورى ءارى ديريجەرى قاتىساتىن كونتسەرت تە كۇشىن جويعان بولاتىن.
يتاليا مادەني سالاسىندا رەسەيدىڭ سوعىسقا قاتىستى ۇگىتىن قولداعان ارتىستەردىڭ ونەر كورسەتۋىنە شەكتەۋ قويۋ ءۇردىسى سوڭعى جىلدارى جيىلەپ كەلەدى.
