رەسەيدىڭ سىرتقى ىستەر ءمينيسترى سەرگەي لاۆروۆ ۆەنادا وتەتىن ەقىۇ-عا مۇشە مەملەكەتتەردىڭ سىرتقى ىستەر مينيسترلەرى كەڭەسىنىڭ وتىرىسىنا قاتىسپايدى، دەپ حابارلايدى "ادىرنا" ۇلتتىق پورتالى.
بۇل اقپاراتتى «ينتەرفاكس» اگەنتتىگى حابارلاعان.
اقپاراتتى ەلدىڭ سىرتقى ىستەر مينيسترلىگىنىڭ رەسمي وكىلى ماريا زاحاروۆا راستادى.
«جوق. رەسەي تاراپىنان سىرتقى ىستەر ءمينيسترىنىڭ ورىنباسارى الەكساندر گرۋشكو قاتىسادى»، – دەدى زاحاروۆا بەيسەنبى كۇنگى بريفينگتە.
ەقىۇ سىرتقى ىستەر مينيسترلەرى كەڭەسىنىڭ جيىنى 4–5 جەلتوقسان كۇندەرى اۆستريا استاناسى ۆەنادا وتپەك.
ايتا كەتەيىك، بۇعان دەيىن باق بەتتەرىندە لاۆروۆتىڭ پۋتين سەنىمىن "اقتاماعانى" تۋرالى اقپارات تاراعان ەدى.
ۇقساس جاڭالىقتار
