NASA-نىڭ Perseverance روۆەرى مارستا ەجەلگى كول شوگىندىلەرىنىڭ بار ەكەنىن كورسەتەتىن دەرەكتەر جينادى. بۇل تۋرالى ۇلتتىق اەروناۆتيكا جانە عارىش باسقارماسىنىڭ (NASA) ۆەب-سايتىندا ەسەپ جاريالانعان، دەپ حابارلايدى “ادىرنا” ۇلتتىق پورتالى.
جينالعان دەرەكتەر، اتاپ ايتقاندا، عالىمداردىڭ مارستىڭ كەيبىر بولىكتەرى ءبىر كەزدەرى سۋمەن جابىلعان جانە بۇل پلانەتا ميكروبتار ومىرىنە قولداۋ كورسەتە الادى دەگەن بولجامىن راستايدى.
NASA بەس جىلدىق اۋقىمدى زەرتتەۋدەن كەيىن تاڭدالعان Perseverance روۆەرىنىڭ قونۋ ورنى رەتىندە دجەزەرو كراتەرىن انىقتادى.
عالىمدار ۇزاق جىلدار بويى بۇل شۇڭقىر سۋعا تولىپ، ەجەلگى وزەن اعىپ جاتقانىن ايتىپ كەلەدى.
روۆەردىڭ دجەزەرو كراتەرىن زەرتتەۋى ەجەلگى كول شوگىندىلەرىنىڭ بار ەكەنىن راستادى، بۇل مارستا ءومىردىڭ بار ەكەنىن راستاۋعا جاڭا ءۇمىت بەرەدى.
دجەزەرو كراتەرى ۇلكەن سىرت (شىعىسىندا) مەن يسيس جازىعىنىڭ (باتىس جاعىنان) شەكاراسىندا ورنالاسقان. كراتەردىڭ ديامەترى - 45 كم.
