«اق جول» دەموكراتيالىق پارتياسى ءداستۇرلى تۇردە ۇيىمداستىراتىن «ءححى عاسىرداعى الاشتىڭ اق جولى» جالپىۇلتتىق بايقاۋىنىڭ اقتىق كەزەڭى بۇگىن ءوز مارەسىنە جەتتى
الاش يدەياسى مەن مۇراسىن ناسيحاتتاۋعا جانە قازىرگى قوعام كونتەكسىندە سارالاۋعا ارنالعان سايىستا 18 بەن 35 جاس ارالىعىنداعى جۇزدەن استام ۇمىتكەردىڭ ىشىنەن ءۇش نوميناتسيا بويىنشا ۇزدىك اتانعان 9 تالاپكەر باق سىنادى.
اقتىق كەزەڭگە وتكەن جاس زەرتتەۋشىلەردىڭ جۇمىستارىمەن تانىسۋعا «اق جول» دەموكراتيالىق پارتيسىنىڭ توراعاسى ازات پەرۋاشەۆ، «اق جول» پارلامەنتتىك فراكتسياسىنىڭ ءماجىلىس دەپۋتاتتارى بەرىك دۇيسەمبينوۆ، ءدانيا ەسپاەۆا، ايگۇل جۇماباەۆا، قازىبەك يسا، سەرىك ەرۋباەۆ، ماقسات رامانقۇلوۆ جانە پارتيانىڭ ورتالىق اپپاراتىنىڭ باسشىلىعى قاتىستى.
جاس زەرتتەۋشىلەر ۇسىنعان ەڭبەكتەردى ل.ن. گۋميلەۆ اتىنداعى ەۇۋ پرورەكتورى، قر ۇعا اكادەميگى، فيلولوگيا عىلىمدارىنىڭ دوكتورى، پروفەسسور ديحان قامزابەكۇلى توراعالىق ەتكەن، قۇرامىندا “الاش” مادەني جانە رۋحاني دامۋ ينستيتۋتىنىڭ ديرەكتورى، فيلولوگيا عىلىمدارىنىڭ كانديداتى ءجۇسىپ سۇلتان حان اققۇلۇلى، وسى ينستيتۋتتىڭ اعا عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور ساعىمباي جۇماعۇل، ل.ن. گۋميلەۆ اتىنداعى ەۇۋ قازاق ادەبيەتى كافەدراسىنىڭ مەڭگەرۋشىسى، فيلولوگيا عىلىمدارىنىڭ كانديداتى قايىربەك كەمەڭگەر بولعان قازىلار القاسى باعالادى.
بيىلعى بايقاۋدىڭ ەرەكشەلىگى – اقتىق سىننىڭ ونلاين فورماتتا، ZOOM پلاتفورماسىندا ءوتۋى. بايقاۋ بارىسىندا زەرتتەۋشىلەر كوتەرگەن تاقىرىپتار بويىنشا قاتىسۋشىلار مەن قوناقتار اراسىندا قىزۋ پىكىرتالاس ورنادى. ءادىل-قازىلار القاسى جاس زەرتتەۋشىلەرگە بايقاۋدىڭ سالالارىنا قاتىستى ءتۇرلى سۇراقتار قويىپ، قاتىسۋشىلاردىڭ بىلىكتىلىگىن باعالادى.
بايقاۋ قورىتىندىسى:
«قازاق رەسپۋبليكاسىنىڭ 100 جىلدىعى: الاش اۆتونومياسىنىڭ قازاق (قىرعىز) اكسر-ىنە ۇلاسۋى» اتتى نوميناتسياسى بويىنشا ۇزدىك اتانعان:
ءى ورىن – نۇرجانوۆا ايگەرىم نۇرجانقىزى – شىعىس قازاقستان وبلىسى، شاكارىم اتىنداعى سەمەي مەملەكەتتىك ۋنيۆەرسيتەتىنىڭ ستۋدەنتى. جۇمىس تاقىرىبى: «الاش جانە دەكوممۋنيزاتسيا ماسەلەلەرى»;
ءىى ورىن – باعىت نۇرلىبەك باعىتۇلى – الماتى قالاسى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى. جۇمىس تاقىرىبى: «الاش پەن دەكوممۋنيزاتسيا ماسەلەلەرى (نەمەسە الاش سويلەيدى)».
ءىىى ورىن – سەماك اناستاسيا يۋرەۆنا – قاراعاندى قالاسى، № 25 جالپى ءبىلىم بەرەتىن ورتا مەكتەپتىڭ تاريح ءپانىنىڭ مۇعالىمى: «رول دەياتەلنوستي پارتي «الاش» ۆ ستانوۆلەني سوۆرەمەننوي كازاحسكوي گوسۋدارستۆەننوستي ي ستانوۆلەني كازاحسكوي رەسپۋبليكي»;
«اباي قۇنانبايۇلىنىڭ 175 جىلدىعى: ۇلى اقىننىڭ شىعارماشىلىعىن تانىتۋداعى الاش قايراتكەرلەرىنىڭ ەڭبەگى» نوميناتسياسى بويىنشا ۇزدىك اتانعان:
ءى ورىن – يسابەك ءازىمحان ۇسەنۇلى – شىمكەنت قالاسى م.اۋەزوۆ اتىنداعى وڭتۇستىك قازاقستان ۋنيۆەرسيتەتى «مۇحتارتانۋ» عىلىمي-زەرتتەۋ ورتالىعىنىڭ جوعارى مامانى. جۇمىس تاقىرىبى: «ابايدىڭ ادەبي حاتشىسى، الاش زيالىسى – مۇرسەيىت بىكىۇلى»;
ءىى ورىن – ورازبەكقىزى گۇلجانات – ماڭعىستاۋ وبلىسى، ماڭعىستاۋ اۋدانى، №7 مەكتەپ-ليتسەيىنىڭ مۇعالىمى. جۇمىس تاقىرىبى: «اباي مەن الاش ۇيلەسىمى (الاش قۇندىلىقتارى مەن ابايدىڭ قارا سوزدەرىنىڭ ءوزارا بايلانىسى)»;
ءىىى ورىن – مۇرزاقانوۆ سۇلتان – الماتى قالاسى، قر ۇقك اكادەمياسىنىڭ كۋرسانتى. جۇمىس تاقىرىبى: «ابايدىڭ الاششىل ۇرپاقتارى»;
«الاش قوزعالىسىنداعى «اقتاڭداقتار»» نوميناتسياسى بويىنشا ۇزدىك اتانعان:
ءى ورىن – نۇراقمەت ەردەن – اقمولا وبلىسى، ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ 4 كۋرس ستۋدەنتى. جۇمىس تاقىرىبى: «الاش قايراتكەرى ءبىلال مالدىبايۇلىنىڭ ءومىرى مەن قوعامدىق-ساياسي قىزمەتى جانە شىعارماشىلىق مۇراسى»;
ءىى ورىن – يحسان دانيار ماراتۇلى – قوستاناي وبلىسى، قوستاناي قالاسى، ا.بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنىڭ 1 كۋرس ماگيسترانتى. جۇمىس تاقىرىبى: «الاش قايراتكەرى عازىمبەك ءبىرىمجان: ءومىرىنىڭ بەيمالىم پاراقتارى»;
ءىىى ورىن – ءابىلدوس رامازان – الماتى قالاسى، ءال-فارابي اتىنداعى قازاق ۇلتتىق ۋنيۆەرسيتەتى تاريح، ارحەولوگيا جانە ەتنولوگيا فاكۋلتەتىنىڭ 4 كۋرس ستۋدەنتى جۇمىس تاقىرىبى: «الاش وردا ۇكىمەتىنىڭ ازامات سوعىسى جىلدارىنداعى قىزمەتى».
«اق جول» دەموكراتيالىق
پارتياسى ءباسپاسوز حاتشىسى
