ورتالىق ازيادا العاش رەت ەڭ ءتيىمدى جارنامالىق ناۋقاندار، ماركەتينگتىك جانە كوممۋنيكاتسيالىق شەشىمدەرگە ارنالعان E+Awards حالىقارالىق بايقاۋى ءوتتى.
Kaspi.kz بايقاۋدىڭ ءابسوليۋتتى جەڭىمپازى اتاندى. «تۇراقتى جەتىستىك» نوميناتسياسى بويىنشا Kaspi جۇما بۇكىلحالىقتىق ءتيىمدى زات ساتىپ الۋ مەرەكەسىن ۇيىمداستىرعانى ءۇشىن قازاقستاندىق كومپانيا ەكى ماراپاتقا يە بولدى: گران-پري جانە «التىن». سونداي-اق Kaspi.kz «سالەمەتسىز بە! مەن ءسىزدىڭ Kaspi گيد-ءىڭىزبىن» ناۋقانى ءۇشىن «التىن» يەلەندى. قازىلار القاسى Kaspi.kz-پەن جۇمىس ىستەگەنى ءۇشىن Gforce/Grey-ءدى (قازاقستان) ورتالىق ازياداعى جىلدىڭ ەڭ ءتيىمدى اگەنتتىگى رەتىندە تانىدى.
Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە بۇل تۋرالى بىلاي دەدى:
«ءبىزدىڭ ميسسيامىز – سۇيىكتى كليەنتتەرىمىزدىڭ ءومىرىن جاقسارتاتىن يننوۆاتسيالىق سەرۆيستەر جاساۋ. ءبىرىنشى كەزەكتەگى مىندەتىمىز – تەڭدەسى جوق ساپالى سەرۆيستەر مەن ونىمدەر جاساۋ. سۇيىكتى كليەنتتەرىمىزگە ونىمدەر تۋرالى جارنامالىق ناۋقاندار ارقىلى جەتكىزۋگە تىرىسامىز. حالىقارالىق بايقاۋدىڭ قازىلار القاسى كوماندامىزعا ەڭ جوعارى ماراپات بەرگەنىنە قۋانىشتىمىز. Kaspi.kz-ءتىڭ سەرۆيستەرىن پايدالانعانى ءۇشىن جانە ءبىزدى ۇنەمى دامۋعا، يننوۆاتسيالارعا شابىتتاندىرىپ وتىرعانى ءۇشىن ءار كليەنتىمىز بەن سەرىكتەسىمىزگە راقمەت ايتامىز!»
52 ساراپشىدان تۇراتىن بەدەلدى قازىلار القاسى برەندتىڭ تانىمال بولۋى (Brand Awareness), ءسىڭىپ كەتۋ (Penetration), برەندكە دەگەن قىزىعۋشىلىق (Consideration), ساتىپ الۋشىلاردىڭ ساتىپ الۋ نيەتى (Purchase lntent) جانە برەندتى كورنەكىلەندىرۋ (Brand lmage Attributes) سياقتى كورسەتكىشتەر بويىنشا كومپانيانى كوشباسشى دەپ تانىدى.
