الماتى قالاسى جاستار ساياساتىن دامىتۋ مەملەكەتتىك قورى جانە الماتى قالاسى جاستار ساياساتى باسقارماسىنىڭ ۇيىمداستىرۋىمەن دەمالىس ورتالىقتارىنىڭ «ناۋرىز مەيرامى» مەرەكەسى ءوتتى.
ءىس-شارانى جسدمق ديرەكتورى كاجدەنبەك ازيز ورالبەكۇلى اشىپ، قۇتتىقتاۋ ءسوز سويلەدى.
مەرەكە قازاق حالقىنىڭ سالت-داستۇرلەرىنىڭ ەلەمەنتتەرىمەن ساحنالىق قويىلىم فورماتىندا ءوتتى. قوناقتار "دالەل", "ريتم", "تۇمار", "HelloART", "اتامۇرا" دەمالىس ورتالىقتارى جانە ت.ب. سياقتى بي ۇجىمدارىنىڭ حالىقتىق جانە مەرەكەلىك قويىلىمدارىن تاماشالاي الدى. سونداي-اق، "ساۋلەم-اي", "JasTolqyn", "سەميرەچە", "دوستار" جانە ت.ب. ورىنداۋىنداعى حالىق اندەرى ۇسىنىلدى.
مەرەكە بارىسىندا قوناقتاردى "اسىق اتۋ", "ارقان تارتۋ", "قول كۇرەس", "توعىز-قۇمالاق", "شەڭبەردەن شىعارۋ"سياقتى ءتۇرلى سپورتتىق-ۇلتتىق ويىندار مەن جارىستار ۇيىمداستىرىلدى. جەڭىمپازدار گراموتالارمەن جانە شاعىن سىيلىقتارمەن ماراپاتتالدى.
"Taga Art Media" مەن "جاس دينامو" دەمالىس ورتالىقتارى "قوش كەلدىڭ، ناۋرىز!" اتتى قويىلىمدارمەن جانە وزدەرىنىڭ كاسىبي تالانتتارىمەن قوناقتاردى قۋانتتى.
مەرەكەدەگى باستى تاعام ءداستۇرلى "ناۋرىز كوجە" بولدى، قوناقتار مەرەكە بارىسىندا كوجەدەن ءدام تاتا الدى. مەرەكەنىڭ بارلىق قاتىسۋشىلارى ريزا بولىپ، كوپتەگەن جاعىمدى ەموتسيالار مەن اسەرلەرگە يە بولدى.
