«بايتاق» جاسىلدار پارتياسىنىڭ رەسپۋبليكالىق شتابى ەلورداداعى بوتانيكالىق باعىندا ەكولوگيالىق مارافون مەن قاتىسۋشىلاردى پارتيانىڭ سايلاۋ تۇعىرناماسىمەن تانىستىرۋدان تۇراتىن شارا ۇيىمداستىردى. بۇل تۋرالى پارتيا Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«بايتاق» جاسىلدار پارتياسىنىڭ توراعاسى ازاماتحان امىرتاەۆتىڭ ايتۋىنشا، پارتيا ۇگىت-ناسيحات جۇمىستارىن جالعاستىرىپ، رەسپۋبليكا بويىنشا 1 ميلليونعا جۋىق ادامدى قامتىعان 3 مىڭنان استام جيىن وتكىزگەن.
«ءبىز وسى ارقىلى سالاۋاتتى ءومىر سالتى ادامداردىڭ، اسىرەسە، جاستاردىڭ ءومىرى مەن دەنساۋلىعىندا ەڭ ماڭىزدى ماسەلە ەكەنىن كورسەتكىمىز كەلدى»، - دەدى «بايتاق جاسىل» پارتياسىنىڭ توراعاسى ازاماتحان امىرتاەۆ.
