اقش پرەزيدەنتى دونالد ترامپ ۋكراينا پرەزيدەنتى ۆلاديمير زەلەنسكيدىڭ رەسەيمەن سوعىستى توقتاتۋ جونىندەگى كەلىسسوزدەرگە قاتىسۋىنىڭ اسا ماڭىزدى ەمەس ەكەنىن مالىمدەدى، دەپ حابارلايدى "ادىرنا" ۇلتتىق پورتالى Fox News-كە سىلتەپ.
"مەن ونىڭ كەلىسسوزدەرگە قاتىسۋى مىندەتتى دەپ ويلامايمىن. ول بۇل ۇدەرىستە ءۇش جىلدان بەرى بار. بىراق كەلىسىمدەرگە كەلۋدى قيىنداتىپ وتىر", – دەدى ترامپ تەلەارناعا بەرگەن سۇحباتىندا.
سونداي-اق، ترامپ ۋكراينا باسشىلىعىنىڭ كەلىسسوزدەردە ۇستاناتىن ەشقانداي «كارتالارى» جوق ەكەنىن اتاپ ءوتتى.
"مەن پۋتينمەن وتە جاقسى كەلىسسوزدەر جۇرگىزدىم، ال ۋكراينامەن كەلىسسوزدەر وڭاي بولعان جوق. ولاردا مىقتى ۇستانىم جوق، بىراق ءبارىبىر قاتاڭ ساياسات جۇرگىزۋدە. ءبىز بۇنىڭ ءارى قاراي جالعاسۋىنا جول بەرمەيمىز", – دەدى ول اق ۇيدە وتكەن گۋبەرناتورلار كەزدەسۋىندە.
ترامپ زەلەنسكيدىڭ ساۋد ارابياسىندا وتكەن كەزدەسۋگە قاتىسپاعانىنا نارازىلىق بىلدىرگەنىن سىنعا الدى.
ء"بىز ساۋد ارابياسىمەن كەلىسسوزدەر جۇرگىزىپ، بەيبىتشىلىك ورناتۋعا تىرىسىپ جاتىرمىز. ول (زەلەنسكي) ءۇش جىلدان بەرى كەزدەسۋلەرگە قاتىسىپ كەلەدى، بىراق ءالى ەشتەڭە جاسالعان جوق", – دەپ اتاپ ءوتتى ترامپ.
