مەملەكەت باسشىسى قاسىم-جومارت توقاەۆ 22 قاڭتاردا داۆوس قالاسىنا جۇمىس ساپارىمەن بارادى. بۇل تۋرالى اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنت بەيبىتشىلىك كەڭەسىنىڭ جارعىسىنا قول قويۋ راسىمىنە قاتىسپاق.
«قاسىم-جومارت توقاەۆ اقش پرەزيدەنتى دونالد ترامپتىڭ شاقىرۋىمەن بەيبىتشىلىك كەڭەسىنىڭ جارعىسىنا قول قويۋ راسىمىنە قاتىسۋ ءۇشىن داۆوس قالاسىنا جۇمىس ساپارىمەن بارادى»،- دەلىنگەن حابارلامادا.
ەسكە سالايىق، بۇعان دەيىن پرەزيدەنتتىڭ ءباسپاسوز حاتشىسى رۋسلان جەلدىباي قاسىم-جومارت توقاەۆتىڭ دونالد ترامپتان گازا بويىنشا بەيبىتشىلىك كەڭەسىنىڭ قۇرامىنا كىرۋگە رەسمي شاقىرۋ العانىن مالىمدەگەن ەدى.
اقش پرەزيدەنتى باستاماشى بولعان بەيبىتشىلىك كەڭەسىنە بىرقاتار ەلدىڭ كوشباسشىلارى شاقىرىلعان. ارگەنتينا، ۆەنگريا، تۇركيا، پاكىستان، مىسىر، يوردانيا، قاتار جانە يتاليا بۇل ۇسىنىستى قابىلداعانىن راستاعان بولاتىن.
