ۋكراينا پرەزيدەنتى ۆلاديمير زەلەنسكي گرۋزيا ۇكىمەتىنىڭ وكىلدەرىنە، ونىڭ ىشىندە ەل پرەمەر-ءمينيسترى يراكلي كوباحيدزە مەن "گرۋزيا ارمانى" پارتياسىنىڭ جەتەكشىسى بيدزينا يۆانيشۆيليگە سانكتسيالار ەنگىزدى، دەپ حابارلايدى "ادىرنا" ۇلتتىق پورتالى.
بۇل تۋرالى ول 5 جەلتوقسان كۇنى ءوز Telegram-ارناسىندا حابارلادى.
سانكتسيالار گرۋزيادا پارلامەنتتىك سايلاۋ ناتيجەلەرىنىڭ بولجامدى بۇرمالانۋىنا قارسى نارازىلىق اكتسيالارىن كۇشپەن تاراتۋعا قاتىسى بار لاۋازىمدى تۇلعالارعا باعىتتالعان.
زەلەنسكيدىڭ ايتۋىنشا، سانكتسيالار "گرۋزيانى پۋتينگە بەرىپ جاتقان" ۇكىمەتتىڭ ءبىر بولىگىنە قارسى قابىلدانعان شارا بولىپ تابىلادى.
"بۇل ايماقتا گرۋزيانى دا، مولدوۆانى دا، ۋكراينانى دا جوعالتۋعا بولمايدى. ماسكەۋگە قارسى بىرگە قورعانۋىمىز كەرەك", – دەپ اتاپ ءوتتى ول ءوز مالىمدەمەسىندە.
ۇقساس جاڭالىقتار
