ءۇش ەل رەسەيگە بەنزين جەتكىزۋدى ارتتىردى

151
Adyrna.kz Telegram
https://adyrna.kz/storage/uploads/V6CJ86uDnxJCBp1IevD84w3Yxzzs06sDq8Ke5vo9.webp

رەسەي ىشكى نارىقتاعى جانارماي تاپشىلىعىن ازايتۋ ءۇشىن بەنزين يمپورتىن كوبەيتىپ جاتىر، دەپ حابارلايدى "ادىرنا" ۇلتتىق پورتالى Financial Times-قا سىلتەپ.

بۇعان ۋكراينالىق ۇشقىشسىز ۇشۋ اپپاراتتارىنىڭ رەسەي مۇناي وڭدەۋ زاۋىتتارىنا جاساعان شابۋىلدارى سالدارىنان ءوندىرىس كولەمىنىڭ قىسقارۋى سەبەپ بولعان. قازان ايىندا ەلگە تەڭىز ارقىلى جەتكىزىلگەن بەنزين كولەمى رەكوردتىق 390 مىڭ تونناعا جەتتى. بەنزين جەتكىزۋشىلەر اراسىندا ماروككو كوش باستاپ تۇر. ەل رەسەيگە يمپورتتالعان جانارمايدىڭ ءاربىر ءۇشىنشى تونناسىن جونەلتكەن. ال تامىز ايىندا رەسەيگە بەنزين جەتكىزگەن ءۇندىستان قازان ايىندا ەكسپورت كولەمىن كۇرت قىسقارتقان.

سونىمەن قاتار تۇركيا رەسەيگە بەنزين جەتكىزۋدى شىلدە ايىندا باستاعان. ال قازاندا مىسىردان العاش رەت جانارماي ساتىپ الىنعان. Kpler ساراپشىسى سۋميت ريتوليانىڭ ايتۋىنشا، رەسەيدىڭ الەمدىك مۇناي ونىمدەرى نارىعىنداعى ورنى وزگەرىپ كەلەدى. بۇرىن ءىرى ەكسپورتتاۋشى بولعان ەل قازىر يمپورتقا تاۋەلدى مەملەكەتتەردىڭ قاتارىنا قوسىلىپ جاتىر.

ساراپشىنىڭ پىكىرىنشە، رەسەيدىڭ بەنزين يمپورتتاۋى ەندى جەكەلەگەن وڭىرلەردەگى ۋاقىتشا تاپشىلىقتى جويۋ شاراسى عانا ەمەس. مۇناي وڭدەۋ زاۋىتتارىنداعى تۇراقسىزدىق جاعدايىندا ىشكى جانارماي نارىعىنداعى تەپە-تەڭدىكتى ساقتاۋدىڭ ماڭىزدى تەتىگىنە اينالعان. رەسەي تەڭىز ارقىلى جەتكىزىلەتىن جانارمايدان بولەك، بەلارۋستەن دە بەنزين ساتىپ الۋدى جالعاستىرىپ وتىر. سوڭعى ءتورت ايدا بۇل ەلدەن 600 مىڭ توننا جانارماي يمپورتتالعان. بۇعان قوسا، رەسەيلىك مۇناي كومپانيالارى قازاقستاننان شامامەن 8 مىڭ توننا بەنزين العان.

باسىلىمنىڭ جازۋىنشا، رەسەيگە جانارماي جەتكىزەتىن ەلدەر گەوگرافياسىنىڭ كەڭەيۋى ماسكەۋدىڭ ىشكى نارىقتى قاجەتتى وتىنمەن قامتاماسىز ەتۋدە قيىندىقتارعا تاپ بولعانىن كورسەتەدى.

پىكىرلەر