قازاقستان رەسپۋبليكاسى پرەزيدەنتىنىڭ جولداۋى مەملەكەتتىك رەفورمالاردى ىسكە اسىرۋدىڭ ناقتى باعدارىن ايقىندايدى. ولاردىڭ تيىمدىلىگىن قامتاماسىز ەتۋدىڭ ماڭىزدى شارتى – العا قويعان مىندەتتى ورىنداپ، مەملەكەتتىك ينستيتۋتتاردىڭ جۇمىسىنىڭ ناتيجەسىن باعالاۋ. سالىستىرمالى ساياسي زەرتتەۋ ءبولىمىنىڭ قىزمەتكەرى شىنار توپاەۆا وسىلاي دەپ مالىمدەدى.
ونىڭ ايتۋىنشا، ناقتى مەرزىمنىڭ بەلگىلەنۋى باستامالاردىڭ ىسكە اسىرىلۋ بارىسىن باقىلاۋعا، قول جەتكىزگەن ناتيجەلەردى باعالاپ، قابىلدانىپ جاتقان شارالاردىڭ تيىمدىلىگىن تالداۋعا مۇمكىندىك بەرمەكشى.
«ناقتى مەرزىمدەر جولداۋدى ىسكە اسىرۋدىڭ ناتيجەسىن كورىپ، باعالاپ، تالداۋعا مۇمكىندىك بەرەدى»، – دەپ تولىقتىردى ءسوزىن شىنار توپاەۆا.
سونداي-اق ول جاڭا مەملەكەتتىك باسقارۋ مودەلىندە ۇكىمەتتىڭ جۇمىسى مەن مەملەكەتتىك ينستيتۋتتاردىڭ قىزمەتىنە ەرەكشە نازار اۋدارۋ قاجەتتىگىن ايتتى.
باعدات مۋسين: ترانسكاسپي تالشىقتى-وپتيكالىق بايلانىس جەلىسى قازاقستاننىڭ ازيا مەن ەۋروپا اراسىنداعى تسيفرلىق كوپىر رەتىندەگى پوزيتسياسىن نىعايتادى
