AQSh prezıdenti Donald Tramp Ýkraına prezıdenti Vladımır Zelenskııdiń Reseımen soǵysty toqtatý jónindegi kelissózderge qatysýynyń asa mańyzdy emes ekenin málimdedi, dep habarlaıdy "Adyrna" ulttyq portaly Fox News-ke siltep.
"Men onyń kelissózderge qatysýy mindetti dep oılamaımyn. Ol bul úderiste úsh jyldan beri bar. Biraq kelisimderge kelýdi qıyndatyp otyr", – dedi Tramp telearnaǵa bergen suhbatynda.
Sondaı-aq, Tramp Ýkraına basshylyǵynyń kelissózderde ustanatyn eshqandaı «kartalary» joq ekenin atap ótti.
"Men Pýtınmen óte jaqsy kelissózder júrgizdim, al Ýkraınamen kelissózder ońaı bolǵan joq. Olarda myqty ustanym joq, biraq báribir qatań saıasat júrgizýde. Biz bunyń ári qaraı jalǵasýyna jol bermeımiz", – dedi ol Aq úıde ótken gýbernatorlar kezdesýinde.
Tramp Zelenskııdiń Saýd Arabııasynda ótken kezdesýge qatyspaǵanyna narazylyq bildirgenin synǵa aldy.
"Biz Saýd Arabııasymen kelissózder júrgizip, beıbitshilik ornatýǵa tyrysyp jatyrmyz. Ol (Zelenskıı) úsh jyldan beri kezdesýlerge qatysyp keledi, biraq áli eshteńe jasalǵan joq", – dep atap ótti Tramp.
