جىل باسىنان بەرى قازاقستاندا جاڭا تۋعان نارەستەلەردى ساتۋدىڭ التى وقيعاسى تىركەلدى.
شىلدە ايىنىڭ باسىندا قازاقستاندا ادام ۇرلاۋ، زاڭسىز باس بوستاندىعىنان ايىرۋ، ادامداردى، ونىڭ ىشىندە كامەلەتكە تولماعانداردى ساتۋ، جەزوكشەلىككە تارتۋ جانە ت.ب. قىلمىستار ءۇشىن قىلمىستىق جاۋاپكەرشىلىككە تارتۋدى كوزدەيتىن «ادام ساۋداسىنا قارسى كۇرەس تۋرالى» زاڭ قابىلداندى.
قر ىشكى ىستەر مينيسترلىگىنىڭ مالىمەتىنشە، وتكەن جىلى رەسپۋبليكادا جاڭا تۋعان نارەستەلەردى ساتۋدىڭ 19 فاكتىسى تىركەلىپ، 15-تەن استام ادام جاۋاپكەرشىلىككە تارتىلعان. بيىل جاڭا تۋعان نارەستەلەردى ساتۋدىڭ التى فاكتىسى تىركەلدى. ۆەدومستۆونىڭ مالىمەتىنشە، ءتىرى تاۋاردىڭ قۇنى ءبىر بالاعا 100 مىڭ تەڭگەدەن 2 ميلليون تەڭگەگە دەيىن (200 دوللاردان 4,5 مىڭ دوللارعا دەيىن) وزگەرەدى.
ەل ىشىندە جانە ودان تىس جەرلەردە ادام ساۋداسىنىڭ، سونداي-اق جىنىستىق قاناۋدىڭ قۇربانى بولعان الەۋمەتتىك وسال قازاقستاندىق بالالارعا قاتىستى جالعىز زەرتتەۋدى يۋنيسەف قازاقستاندا 2012 جىلى جۇرگىزگەن.
ماماندار، ادام مەن بالا ساۋداسى كيبەركەڭىستىكتە ءجيى ۇشىراساتىنىن ايتۋدا. بالا ساۋداسى قىزىپ تۇرعانى وكىنىشتى. بالالاردا تەك اسىراپ الۋعا عانا ەمەس، ءماجبۇرلى تۇردە ەڭبەككە جەگىپ، ىشكى اعزالارىن ساتۋ ۇشىندە پايدالانادى. بۇنىڭ سىرتىندا جىنىستىق قاناۋ تاعى بار.
ادام ساۋداسى ءۇشىن جازانى قاتايتۋ تۋرالى قازاقستاننىڭ جاڭا زاڭى مەديتسينالىق مەكەمە قىزمەتكەرلەرىن تاستاندى جاڭا تۋعان نارەستەلەر تۋرالى حابارلاۋعا مىندەتتەيدى - ايتپەسە ولار اكىمشىلىك جاۋاپكەرشىلىككە تارتىلادى.
مۇنداي جاعدايلاردى انىقتاۋعا تسيفرلىق تەحنولوگيالار كومەكتەسەدى. وتكەن جىلدان باستاپ قازاقستاننىڭ استاناسىندا پيلوتتىق جوبا پەرزەنتحانالاردىڭ بىرىندە سىناقتان ءوتىپ، ءاربىر جاڭا تۋعان بالاعا بىردەن جەكە سايكەستەندىرۋ ءنومىرى (جسن) بەرىلىپ، قىلمىستىق مامىلەلەر جاساۋ مۇمكىندىگىن بولدىرمايدى. بۇل قىزمەت بيىلدان باستاپ بۇكىل ەل بويىنشا جۇمىس ىستەي باستايدى.
«ادام ساۋداسىنا قارسى كۇرەس تۋرالى» زاڭ قابىلدانعاننان كەيىن قازاقستان ءتۇرلى مەملەكەتتىك ورگانداردىڭ قىلمىس فاكتىلەرىن انىقتاۋ، سونداي-اق قۇربانداردى انىقتاۋ جانە قورعاۋ جانە ولارعا جان-جاقتى اقپارات بەرۋدەگى فۋنكتسيالارىن ناقتى ايقىندايتىن قوسىمشا قۇجاتتاردى ازىرلەپ، ەنگىزۋى كەرەك. بۇل مەحانيزم، قىرعىزستاندا بەس جىل بۇرىن، 2019 جىلى بەكىتىلگەن بولاتىن.
