قازاقستان شەتەلدىك ستۋدەنتتەرگە ۆيزا بەرۋ ءتارتىبىن قاتاڭداتپاق. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى “ادىرنا”.
اقپاراتقا سايكەس، قازاقستان وسى ارقىلى ستۋدەنتپىن دەپ ەلگە كىرىپ، جۇمىس ىستەيتىن ميگرانتتاردى الدىن الۋدى كوزدەيدى.
ء"بىراز ەلدە ۆيزا الۋ جەڭىل بولعاندىقتان كەلەڭسىز جاعدايلار بولعان. بانگلادەشتەن كوپ ادام وقۋ ءۇشىن ەمەس جۇمىس ىستەۋگە كەلگەن. نەمەسە اۋعانستاننان كەلگەندەر ەۋروپاعا ترانزيتپەن كەتۋدى ويلاستىرعان. قازىر ءبىز ۆيزا جاساۋ ىڭعايلى ءارى قاۋىپسىز بولۋ ءۇشىن سىرتقى ىستەر مينيسترلىگىمەن، ىشكى ىستەر مينيسترلىگىمەن جانە ۇلتتىق قاۋىپسىزدىك كوميتەتىمەن بىرگە جۇمىس ىستەپ جاتىرمىز" دەيدى ساياسات نۇربەك.
قازاقستاندا وقىعىسى كەلەتىن شەتەلدىكتەردى تولىق تەكسەرىستەن وتكىزبەك.
ۇقساس جاڭالىقتار
