وزبەكستان پرەزيدەنتى شاۆكات ميرزيوەۆ 8 جەلتوقساندا اتاپ وتىلەتىن كونستيتۋتسيا كۇنىنە وراي 615 ادامعا كەشىرىم جاساۋ تۋرالى جارلىققا قول قويدى. قۇجات مەملەكەت باسشىسىنىڭ رەسمي سايتىندا جاريالاندى، دەپ حابارلايدى “ادىرنا”.
جارلىقتا اتاپ وتىلگەندەي، كەشىرىم العاندار — جاساعان ىسىنە شىن جۇرەكتەن وكىنىپ، تۇزەلۋ جولىنا تۇسكەنى انىقتالعان ازاماتتار. ولاردىڭ ىشىندە 220 ادام تولىقتاي جازادان بوساتىلدى. تاعى 123 ادام شارتتى تۇردە مەرزىمىنەن بۇرىن جازاسىن وتەمەۋگە مۇمكىندىك الادى. سونىمەن قاتار 97 سوتتالۋشىعا قولدانىلعان بۇلتارتپاۋ شاراسى جەڭىلدەتىلسە، 175 ادامنىڭ باس بوستاندىعىنان ايىرۋ مەرزىمى قىسقارتىلدى.
كەشىرىمگە ىلىككەندەردىڭ قاتارىندا 9 شەتەل ازاماتى، 29 ايەل، 23 ەر ادام، 30 جاسقا دەيىنگى 264 جاس جانە تىيىم سالىنعان ۇيىمداردىڭ توعىز قاتىسۋشىسى بار.
جارلىققا سايكەس، مەملەكەتتىك ورگاندارعا كەشىرىم جاسالعان ازاماتتاردىڭ وتباسىنا ورالۋىنا، قوعامعا بەيىمدەلۋىنە، جۇمىسقا ورنالاسۋىنا جانە سالاۋاتتى ءومىر سالتىن ۇستانۋىنا جاعداي جاساۋ جونىندە ارنايى تاپسىرمالار بەرىلدى.
بۇل قادام وزبەكستاندا جىل سايىن كونستيتۋتسيا كۇنى قارساڭىندا جۇرگىزىلەتىن گۋمانيتارلىق شارالاردىڭ جالعاسى.
