اتىراۋ ماڭىندا ىنىسىمەن بىرگە سۋعا باتىپ كەتكەن قىزدىڭ دەنەسى سۋدان شىعارىلدى. قۇتقارۋشىلار ونى ءۇش كۇن بويى ىزدەگەن، دەپ حابارلايدى "ادىرنا" ۇلتتىق پورتالى.
اتىراۋ وبلىسى تجد ءباسپاسوز قىزمەتىنىڭ مالىمەتىنشە، 3 تامىزدا ساعات 18:53-تە اتىراۋ قالاسىنىڭ قۇرمانعازى اۋىلىندا سۇڭگۋىرلەر بالانىڭ دەنەسىن تاۋىپ، سۋدان شىعارىپ العان.
"سۇڭگۋىرلەر 1-3 تامىز ارالىعىندا بارلىعى 20 سۋ استى سۇڭگۋىن وتكىزدى. 12-15 مەتر تەرەڭدىكتە التى مىڭ شارشى مەتر اۋماق زەرتتەلدى. سۋ استىنداعى ىزدەۋ جۇمىستارىنا كۇشتى اعىن، سۋ استىنداعى بوگدە زاتتاردىڭ كوپتىگى جانە نولدىك كورىنۋ كەدەرگى بولدى", - دەدى ايماقتىق تجد.
ايتا كەتەيىك، تامىز ايىنىڭ العاشقى كۇنى اتىراۋ ماڭىندا اعاسى مەن اپكەسى سۋعا باتىپ كەتكەن. 9 جاستاعى قىز جانە 7 جاستاعى بالا سۋعا كەتىپ، كوز جۇمعان ەدى. قۇتقارۋشىلار سول كۇنى ۇل بالانىڭ دەنەسىن تاپقان بولاتىن. قىزدىڭ دەنەسى كەشە تابىلدى.
