اتىراۋدا ايەل ادام ءوز بالالارىن ساتقان، دەپ حابارلايدى "ادىرنا" ءتىلشىسى.
بۇل تۋرالى وبلىستىق سوتتىڭ ءباسپاسوز قىزمەتى حابارلادى.
اتىراۋ قالاسىنىڭ تۇرعىنى جاڭا تۋعان سابيلەرىن ساتىپ جىبەرگەن. سوت ماتەريالدارىنا سايكەس، جاۋاپقا تارتىلعان ايەل جۇكتى بولعان ساتىنەن-اق ماتەريالدىق جاعدايىن جاقسارتۋ ءۇشىن بالالارىن ساۋدالاعان.
ول بوسانباي تۇرىپ ءبىر وتباسىمەن كەلىسكەن. بالانى ومىرگە اكەلگەننەن سوڭ نارەستەنى ساتىپ جىبەرگەن.
كەيىنگى جۇكتىلىگىندە دە ايەل الاياقتىق جولمەن اقشا تابۋعا بەل بايلاعان. ول ءتىپتى ەكى وتباسىعا جاڭا نارەستەنى ساتۋعا ۋادە بەرىپ، اقشا الىپ العان. بىراق ايەل ءىزىن سۋىتىپ ۇلگەرىپتى.
ال جابىرلەنۋشىلەر 2,3 ملن تەڭگەدەن ايىرىلىپ قالعان. ال الاياق انا باسقا وتباسىمەن كەلىسىم جاساپ، بالاسىن بەرىپ كەتكەن.
سوت ۇكىمىمەن بالالارىن ساتقان جانە الاياقتىق جاساعان انا 8 جىلعا باس بوستاندىعىنان ايىرىلدى. ال جاڭا تۋعان نارەستەلەردى ساتىپ العان وتباسىلار شارتتى تۇردە ءۇش جىلعا سوتتالدى.
