اتىراۋدا مۇناي قالدىعى بار تەمىرجول تسيستەرناسى جارىلدى. بۇل تۋرالى وبلىستىق توتەنشە جاعدايلار دەپارتامەنتى ايتتى، دەپ حابارلايدى «ادىرنا» ءتىلشىسى.
وقىس وقيعا 14 جەلتوقساندا جەرگىلىكتى ۋاقىتپەن ساعات 13:58 شاماسىندا بولعان.
«اتىراۋ قالاسىنداعى وڭتۇستىك وندىرىستىك ايماقتا ورنالاسقان «Batys Petroleum» جشس-نە تيەسىلى №1 تسەحتىڭ جۋ-بۋلاۋ ستانتسياسىندا جىلجىمالى تەمىر جول قۇرامىنا تازالاۋ جۇرگىزىلدى. سول كەزدە مۇناي شلامىنىڭ قالدىعى بار تسيستەرنادا گاز-اۋا قوسپاسىنىڭ ءدۇمپۋى بولدى. سالدارىنان تسەح قۇرىلىمى ءىشىنارا قۇلادى. جالىننىڭ تۇتانۋىنا بايلانىستى اۆتوماتتى ءورت ءسوندىرۋ قۇرىلعىسى ىسكە قوسىلدى. «سەمسەر-ءورت ءسوندىرۋشى» جشس ءورت ءسوندىرۋ بولىمشەلەرى ءورت ءسوندىرۋ جۇمىستارىن جۇرگىزدى»،—دەلىنگەن حابارلامادا.
وقيعا ورنىنا اتىراۋ وبلىسى توتەنشە جاعدايلار دەپارتامەنتىنەن 48 قىزمەتكەر مەن 5 بىرلىك تەحنيكا، «اپاتتار مەديتسيناسى ورتالىعىن» 3 قىزمەتكەر 1 بىرلىك تەحنيكا، «سەمسەر-ءورت ءسوندىرۋشى» جشس 5 ادام 1 بىرلىك تەحنيكا جۇمىلدىرىلدى. زارداپ شەككەندەر جوق.
