قازاقستاندىق ارۋ الينا ري 2026 جىلعى «الەم ارۋى» (Miss Universe) حالىقارالىق بايقاۋىندا سالماعى 30 كەلى بولاتىن ۇلتتىق كيىممەن ساحناعا شىققى، دەپ حابارلايدى “ادىرنا”.
شىمكەنت قالاسىنىڭ تۋماسى، «قازاقستان ارۋى» بايقاۋىنىڭ جەڭىمپازى الينا ري حالىقارالىق دودادا ەل نامىسىن قورعاۋدا. بايقاۋعا ارنايى دايىندالعان ۇلتتىق كيىم «التىن بۇركىت: قازاقستان رۋحى» دەپ اتالادى.
ۇلتتىق كيىمدى ازىرلەۋگە التى ايعا جۋىق ۋاقىت جۇمسالعان. ونىڭ قۇنى 5 ميلليون تەڭگەدەن اسادى. بۇل شامامەن 11 مىڭ اقش دوللارىن قۇرايدى.
كيىمنىڭ ءتۇسى مەن ساندىك ەلەمەنتتەرى ارقىلى قازاقستاننىڭ كوگىلدىر اسپانى، التىن تۇستەس رامىزدەرى مەن باي مادەني مۇراسى بەينەلەنگەن.
ۇيىمداستىرۋشىلاردىڭ ايتۋىنشا، ۇلتتىق كيىمنىڭ ءپىشىنى، بەزەندىرىلۋى مەن اۋقىمدى كورىنىسى ارقىلى الەمدىك اۋديتورياعا قازاق حالقىنىڭ سالت-ءداستۇرىن، ۇلتتىق بولمىسىن جانە مادەني ەرەكشەلىگىن تانىستىرۋ كوزدەلگەن.
