اتىراۋدا 11 كۇن بۇرىن جوعالىپ كەتكەن ادام ءالى ىزدەستىرىلۋدە، دەپ حابارلايدى "ادىرنا" ءتىلشىسى AtyrauPress-كە سىلتەپ.
جىلىوي اۋداندىق پوليتسيا ءبولىمى 9 قاڭتار كۇنى اۋدان تۇرعىنىن ىزدەستىرىپ جاتىر. 1985 جىلى تۋعان ازامات بەلگىسىز باعىتقا شىعىپ، وسى ۋاقىتقا دەيىن ۇيىنە ورالماعان.
39 جاستاعى ازامات 9 قاڭتار كۇنى ساعات 22:30 شاماسىندا “كوممۋنيزم تاڭى جانىنداعى بەيىتتىڭ قاسىندا كەلە جاتىرمىن، اداسىپ كەتتىم” دەپ اناسىنا حابارلاسقان كورىنەدى. الايدا ودان كەيىن بايلانىس ۇزىلگەن.
ءىس-ءتۇسسىز جوعالعان ادامدى ىزدەۋ جۇمىستارى قارقىندى تۇردە ءجۇرىپ جاتىر.
ۇقساس جاڭالىقتار
