Atyraý mańynda inisimen birge sýǵa batyp ketken qyzdyń denesi sýdan shyǵaryldy. Qutqarýshylar ony úsh kún boıy izdegen, dep habarlaıdy "Adyrna" ulttyq portaly.
Atyraý oblysy TJD baspasóz qyzmetiniń málimetinshe, 3 tamyzda saǵat 18:53-te Atyraý qalasynyń Qurmanǵazy aýylynda súńgýirler balanyń denesin taýyp, sýdan shyǵaryp alǵan.
"Súńgýirler 1-3 tamyz aralyǵynda barlyǵy 20 sý asty súńgýin ótkizdi. 12-15 metr tereńdikte alty myń sharshy metr aýmaq zertteldi. Sý astyndaǵy izdeý jumystaryna kúshti aǵyn, sý astyndaǵy bógde zattardyń kóptigi jáne nóldik kóriný kedergi boldy", - dedi aımaqtyq TJD.
Aıta keteıik, tamyz aıynyń alǵashqy kúni Atyraý mańynda aǵasy men ápkesi sýǵa batyp ketken. 9 jastaǵy qyz jáne 7 jastaǵy bala sýǵa ketip, kóz jumǵan edi. Qutqarýshylar sol kúni ul balanyń denesin tapqan bolatyn. Qyzdyń denesi keshe tabyldy.
