«ءتىس سىنسا اۋىز ىشىندە، قول سىنسا جەڭ ىشىندە» دەۋشى ەدى، فب-نى دۇرلىكتىرىپ قويعانىما كەشىرىم سۇرايمىن.
يا، سەرگەەۆكاداعى ءۇيىم اياق استى جانىپ كەتتى. ءورت باستالاردا ۇيدە، قالىڭ ۇيقىدا ەدىك. كەنەت، كورشى بولمەدە ەكى بالاممەن جاتقان ايەلىمنىڭ جان داۋسى شىققاسىن — ۇيقىلى وياۋ جەتىپ بارىپ ەم، بولمە بۇرىشىنداعى توبەدەن تامعان وتتى كوردىم. مىنا ناتەجنوي پوتولوك دەگەن ءبىر سۇمدىق ەكەن قىسقاسى. ءبىر تۇتانسا بولدى، بىتكەن جەرى سول ەكەن. اپىل عۇپىل بالالاردى جيناپ ەسىكتى اشا قالعاندا، سكۆوزنياك جەل پەرىپ توردەگى ەكى بولمە بىردەن وتقا وراندى. جالاڭ اياق، جەڭىل كيىممەن اتىپ شىققان ءبىز، ءورت بىردەن ۇدەگەسىن — ۇيدەن زات الۋعا مۇلدەم مۇمكىندىك بەرمەدى. قىسقاسى، اعاشتان سالىنىپ، تەرەزەسى پلاستيك، سىرتى پەنوپلاستان قاپتالعان ءۇي — 15-20 مينۋتتا جانىپ، جوق بولدى. كۇللى وتباسىلىق دوكۋمەنت، TAUEKEL- گە تيەسىلى قۇجاتتار، كيىم كەشەك، تەلەفون، نوۋتبۋك تسس دۇنيەلەر – ءبارى، ءبارى ءبىر ساتتە قۇرىپ كەتتى. جالپى، ءورت سوندىرۋشىلەر ۋاقىتىلى كەلگەنىمەن ەشتەڭەگە ىستەي المادى. ويتكەنى دالا قاتتى جەل بوعاسىن، ءۇيدىڭ ساۋ جەرى قالماعان-تۇعىن.
ءوستىپ، وتباسىممەن ءبىر اجالدان قالدىق بۇگىن. جالپى دۇنيە جينالادى عوي، باسىمىز امان ايتەۋىر. كىشكەنە بالالارىم ءسال شوشىپ قالعانى بولماسا، دىم زاقىم العان جوق. جەرگىلىكتى اكىمدىك قىزمەتكەرلەرىنە ريزامىن، سەرگەەۆكانىڭ اكىمىمەن قوسا ءورت سوندىرۋشىلەر باسشىسىنا دەيىن تۇنىمەن ءجۇردى جانىمىزدا.
قىسقاسى، ەشكىمگە وكپە رەنىشىم جوق. بولعان جاعدايعا ەشكىمدى كىنالامايمىن. جالپى، ءبىر ايداي بۇرىن ءۇيدىڭ جارىعى قايتا قايتا وشەتىندى شىعارعان، ەلەكتريك شاقىرىپ اۆتوماتتى اۋىستىرتتىم، سول كەزدە ەلەكتريك توبەدەگى سىمداردىدا اۋىستىرعانىڭ ءجون دەپ ەدى. بۇيىرسا كەلەسى اي اۋىستىرتايىن دەپ ەم، سىمدارىن الىپ قويعانىممەن، اۋىستىرتىپ ۇلگەرمەدىم. ناتيجەسى مىنە، وسىنداي بولىپ جاتىر. جالپى بۇل ۇيدە 3 جىلداي ءومىر ءسۇردىم. وسى ۇيگە كەلىپ، سولتۇستىككە كوشتى، TAUEKEL-ءدى باستادىم. بەرىلگەن ءۇيدى جامان، ساپاسى ناشار دەمەدىم، قولىمنان كەلگەنشە رەمونتتاپ، كۇيىن وتباسىما جايلى ەتتىم. سولتۇستىككە كەلەم، كورەم دەگەن قانشا قازاقتى تورىنە وتىرعىزىپ، مەيمان قىلدىم. وعان وسى جەردە وتىرعان كوبىڭىز كۋاسىز. قىسقاسى، بۇل ۇيگە ريزامىن ءوز باسىم.
اكىمدىك تاراپىنان قولداۋ شارالارى تولىعىمەن ىسكە اسىپ جاتىر. بۇيىرسا، جاقىن ارادا باسقا ءۇي الىپ قالارمىن.
قازىر ءبىر كوشىپ كەلگەن، ءۇي الۋىنا ءبىز سەپ بولعان تۇركىستاندىق ازاماتتىڭ ۇيىندە جاتىرمىز. جالپى، سەرگەەۆكاداعى كوشىپ كەلگەن كوپتەگەن ازامات «بىزدىكىنە جات»، «بىزدىكىنە جات» دەپ قولقالاپ جاتىر. وسىنداي قولداۋعا يە بولعانىما مەرەيىم ءوسىپ، ءبىر جاعىنان مارقايىپ وتىرمىن. قىسقاسى، سوڭعى ەكى جىلىمدى بوس وتكىزبەگەن ەكەم. سوعان كوزىم جەتتى بۇگىن.
جان جاقتان پوست جازىپ، قولداپ جاتقان اعايىنعا، بالا شاعاسىنىڭ اۋزىنان جىرىپ، جىلۋ جىبەرىپ جاتقان اعايىنعا باسىمدى يەمىن. مىڭ العىس سىزدەرگە. ريزامىن.
پى—سى: كوپتەگەن ادامدار تەلەپونىما حابارلاسىپ جاتىر ەكەن. تەلەفونىم كەشەگى ايقاي شۋدا سىنىپ كەتكەن ەدى. قوڭىراۋ قابىلداي الماي وتقانىما ايىپ ەتپەڭىزدەر.
وسىنداي سىن ساعاتتا قولداۋ كورسەتەم دەگەن اعا، اپايلارىما كاسپيىم مىنە: 8 771 341 7397, شىنار. راحمەت سىزدەرگە. ءار دەمەۋىڭىز، وزىڭىزگە ەسەلەپ قايتسىن. وسىدان ءبىر ءوتىپ السام، سولتۇستىككە كوشەتىن جۇزدەگەن ادامعا كومەگىم تيەدى ءالى. ءسوزىم ءسوز. TAUEKEL. تەرىسكەي بىزگە امانات.
Burahan Daqanov
