«Tis synsa aýyz ishinde, qol synsa jeń ishinde» deýshi edi, FB-ny dúrliktirip qoıǵanyma keshirim suraımyn.
Iıa, Sergeevkadaǵy úıim aıaq asty janyp ketti. Órt bastalarda úıde, qalyń uıqyda edik. Kenet, kórshi bólmede eki balammen jatqan áıelimniń jan daýsy shyqqasyn — uıqyly oıaý jetip baryp em, bólme buryshyndaǵy tóbeden tamǵan otty kórdim. Myna natejnoı potolok degen bir sumdyq eken qysqasy. Bir tutansa boldy, bitken jeri sol eken. Apyl ǵupyl balalardy jınap esikti asha qalǵanda, skvoznıak jel perip tórdegi eki bólme birden otqa orandy. Jalań aıaq, jeńil kıimmen atyp shyqqan biz, órt birden údegesin — úıden zat alýǵa múldem múmkindik bermedi. Qysqasy, aǵashtan salynyp, terezesi plastık, syrty penoplastan qaptalǵan úı — 15-20 mınýtta janyp, joq boldy. Kúlli otbasylyq dokýment, TAUEKEL- ge tıesili qujattar, kıim keshek, telefon, noýtbýk tss dúnıeler – bári, bári bir sátte quryp ketti. Jalpy, órt sóndirýshiler ýaqytyly kelgenimen eshteńege isteı almady. Óıtkeni dala qatty jel boǵasyn, úıdiń saý jeri qalmaǵan-tuǵyn.
Óstip, otbasymmen bir ajaldan qaldyq búgin. Jalpy dúnıe jınalady ǵoı, basymyz aman áıteýir. Kishkene balalarym sál shoshyp qalǵany bolmasa, dym zaqym alǵan joq. Jergilikti ákimdik qyzmetkerlerine rızamyn, Sergeevkanyń ákimimen qosa órt sóndirýshiler basshysyna deıin túnimen júrdi janymyzda.
Qysqasy, eshkimge ókpe renishim joq. Bolǵan jaǵdaıǵa eshkimdi kinalamaımyn. Jalpy, bir aıdaı buryn úıdiń jaryǵy qaıta qaıta óshetindi shyǵarǵan, elektrık shaqyryp avtomatty aýystyrttym, sol kezde elektrık tóbedegi symdardyda aýystyrǵanyń jón dep edi. Buıyrsa kelesi aı aýystyrtaıyn dep em, symdaryn alyp qoıǵanymmen, aýystyrtyp úlgermedim. Nátıjesi mine, osyndaı bolyp jatyr. Jalpy bul úıde 3 jyldaı ómir súrdim. Osy úıge kelip, Soltústikke kóshti, TAUEKEL-di bastadym. Berilgen úıdi jaman, sapasy nashar demedim, qolymnan kelgenshe remonttap, kúıin otbasyma jaıly ettim. Soltústikke kelem, kórem degen qansha Qazaqty tórine otyrǵyzyp, meıman qyldym. Oǵan osy jerde otyrǵan kóbińiz kýásiz. Qysqasy, bul úıge rızamyn óz basym.
Ákimdik tarapynan qoldaý sharalary tolyǵymen iske asyp jatyr. Buıyrsa, jaqyn arada basqa úı alyp qalarmyn.
Qazir bir kóship kelgen, úı alýyna biz sep bolǵan Túrkistandyq azamattyń úıinde jatyrmyz. Jalpy, Sergeevkadaǵy kóship kelgen kóptegen azamat «bizdikine jat», «bizdikine jat» dep qolqalap jatyr. Osyndaı qoldaýǵa ıe bolǵanyma mereıim ósip, bir jaǵynan marqaıyp otyrmyn. Qysqasy, sońǵy eki jylymdy bos ótkizbegen ekem. Soǵan kózim jetti búgin.
Jan jaqtan post jazyp, qoldap jatqan aǵaıynǵa, bala shaǵasynyń aýzynan jyryp, jylý jiberip jatqan aǵaıynǵa basymdy ıemin. Myń alǵys sizderge. Rızamyn.
Py—sy: kóptegen adamdar teleponyma habarlasyp jatyr eken. Telefonym keshegi aıqaı shýda synyp ketken edi. Qońyraý qabyldaı almaı otqanyma aıyp etpeńizder.
Osyndaı syn saǵatta qoldaý kórsetem degen aǵa, apaılaryma kaspıim mine: 8 771 341 7397, Shynar. Rahmet sizderge. Ár demeýińiz, ózińizge eselep qaıtsyn. Osydan bir ótip alsam, Soltústikke kóshetin júzdegen adamǵa kómegim tıedi áli. Sózim sóz. TAUEKEL. Teriskeı bizge amanat.
Burahan Daqanov
