قوستاناي وبلىسىنىڭ توبىل قالاسىندا توتەنشە جاعدايلار مينيسترلىگىنىڭ قىزمەتكەرلەرى ەكى قاباتتى ۇيدەن شىققان ءورت كەزىندە قىزدى قۇتقارىپ قالدى. وقيعانىڭ بەينەجازباسى جەلىدە تارادى، دەپ حابارلايدى «ادىرنا» ءتىلشىسى.
مينيسترلىك مالىمەتىنشە، ءورت مەحانيزاتورلار كوشەسىندەگى عيماراتتا بولعان.
ء«ورت سوندىرۋشىلەر وقيعا ورنىنا كەلگەن ساتتە عيماراتتىڭ شاتىرى تولىقتاي وتقا ورانعان ەدى. قۇتقارۋشىلار ۇيدەن 2006 جىلى تۋعان قىزدى جانە ونىڭ مىسىعىن جەدەل تۇردە سىرتقا شىعاردى»، — دەلىنگەن حابارلامادا.
ءورت تولىقتاي سوندىرىلگەن. وقيعا ورنىندا بىرنەشە ءورت ءسوندىرۋ توبى، اپات مەديتسيناسى ورتالىعىنىڭ ماماندارى جانە جەدەل-قۇتقارۋ جاساعى جۇمىس ىستەگەن. سونداي-اق ءورتتى جويۋ بويىنشا شتاب قۇرىلعان.
مينيسترلىكتىڭ مالىمەتىنشە، جاپا شەككەندەر تۋرالى اقپارات تۇسكەن جوق.
ۇقساس جاڭالىقتار
