استانادا تۇندە №1 كوپبەيىندى قالالىق بالالار اۋرۋحاناسىندا ءورت بولدى. وقيعا تۋرالى استانا اكىمدىگى مالىمدەدى، دەپ حابارلايدى “ادىرنا”.
اكىمدىك مالىمەتىنشە، №1 كوپبەيىندى قالالىق بالالار اۋرۋحاناسىنىڭ ءبىر بولمەسىنەن ءورت شىققانى تۋرالى حابار 11 ءساۋىر كۇنى ساعات 22:48-دە تۇسكەن. وقيعا ورنىنا 101 قىزمەتى 22:55-تە جەتكەن. ال 23:08-دە ءورت تولىق ءسوندىرىلدى.
“جەدەل قىزمەتتەر مەن مەديتسينا قىزمەتكەرلەرىنىڭ شۇعىل ارەكەتىنىڭ ارقاسىندا قازا تاپقاندار مەن زارداپ شەككەندەر جوق. ورتكە بايلانىستى بالالار كورشىلەس عيماراتقا كوشىرىلد”ى، – دەلىنگەن تاراتىلعان حابارلامادا.
ءورتتىڭ شىعۋ سەبەبى ازىرگە حابارلانعان جوق.
ەسكە سالساق، تۇندە استانادا كوپقاباتتى ۇيدەن ءورت شىعىپ، ءۇش بالا قازا تاپقان بولاتىن.
ۇقساس جاڭالىقتار
