بۇگىن، 18 ناۋرىز استانا قالاسى بايقوڭىر اۋدانىندا انگار ۇلگىسىندەگى جەكە تۇرعان ءبىر قاباتتى قويما ورتەندى. بۇل تۋرالى تجد مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ساعات 07:20-دا ءورت سوندىرۋشىلەر بايقوڭىر اۋدانىندا بولعان ءورت ورنىنا شىققان. بولىمشە قىزمەتكەرلەرى بارعان ۋاقىتتا الدىن الا بولجام بويىنشا اۋدانى 1 مىڭ شارشى مەتر الاڭدا وتقا ورانعان ءبىر قاباتتى قويمانىڭ جانىپ جاتقانى انىقتالدى.
ءورت كەزىندە عيماراتتىڭ الدىڭعى قابىرعاسى مەن شاتىرى قۇلادى. وقيعا ورنىندا 3 جاۋىنگەرلىك ۋچاسكە قۇرىلدى.
ءورت ءسوندىرۋ جۇمىستارىنا جەكە قۇرامنان 70-كە جۋىق ادام، 15 تەحنيكا جۇمىلدىرىلدى.
ۇقساس جاڭالىقتار
