بۇگىندە الماتىداعى جاڭا تۇرعىن ۇيلەردە ءبىر شارشى مەتردىڭ ورتاشا باعاسى 750–850 مىڭ تەڭگەنى قۇرايدى. مۇنداي قۇننىڭ قالاي قالىپتاساتىنىن Qazaq Expert Club قۇرىلىس سالاسىنىڭ ساراپشىسى ديليارا سەيتنۋروۆا تۇسىندىرەدى.
«كوبىنە جوعارى باعانى “قۇرىلىس سالۋشىلاردىڭ اشكوزدىگىمەن” بايلانىستىرادى. الايدا ءىس جۇزىندە شارشى مەترىنە شارتتى 800 مىڭ تەڭگەنى بولشەكتەپ قاراساق، قاراجاتتىڭ قايدا جۇمسالاتىنى انىق كورىنەدى.
ەڭ ۇلكەن شىعىن بابى – قۇرىلىس – 1 م² ءۇشىن 320–380 مىڭ تەڭگەنى قۇرايدى. ونىڭ ىشىندە شامامەن 165 مىڭى ماتەريالدارعا (بەتون، ارماتۋرا، كىرپىش), 75 مىڭى – جالاقىعا، تاعى 30–35 مىڭى – سەيسميكالىق كۇشەيتۋگە كەتەدى.
ەكىنشى ماڭىزدى باپ – جەر. ونىڭ قۇنى 1 م² ءۇشىن 160–180 مىڭ تەڭگە شاماسىندا. قالانىڭ جوعارعى بولىگىندە جانە “التىن كۆادراتتا” جەردىڭ ۇلەسى جالپى قۇننىڭ *25%-ىنا دەيىن جەتەدى.
ءدال وسى قۇرىلىس پەن جەردىڭ قۇنى قالا بويىنشا باعا ايىرماشىلىعىن قالىپتاستىرادى. ماتەريالدار مەن جەر تەلىمى قانشالىقتى قىمبات بولسا، سوڭعى باعا دا سونشالىقتى جوعارى بولادى.
مىسالى، الاتاۋ نەمەسە ناۋرىزباي اۋداندارىنداعى ەكونوم-كلاسس تۇرعىن ءۇيى 1 م² ءۇشىن 480–550 مىڭ تەڭگە، كومفورت-كلاسس – 650–780 مىڭ تەڭگە تۇرادى. اباي كوشەسىنەن جوعارى اۋدانداردا كومفورت جانە بيزنەس-كلاسس جاڭا ۇيلەردىڭ باعاسى 800 مىڭنان باستالىپ، 1,5 ملن تەڭگەگە دەيىن جەتەدى. مەدەۋ اۋدانىنداعى ەليتالىق تۇرعىن ءۇيدىڭ باعاسى شارشى مەترىنە 1,5 ملن تەڭگەدەن باستالادى.
سونىمەن قاتار تۇرعىن ءۇي باعاسىنا ققس-تىڭ 12%-دان 16%-عا دەيىن ءوسۋى دە ايتارلىقتاي اسەر ەتۋدە. قازىرگى سالىق جۇكتەمەسى 1 م² ءۇشىن 144–160 مىڭ تەڭگەنى قۇرايدى، بۇل شامامەن جالپى قۇننىڭ 20%-ى.
قۇرىلىس سالۋشىنىڭ وپەراتسيالىق شىعىندارىن دا ەسكەرۋ قاجەت. مىسالى، ساتۋ كەڭسەلەرىن ۇستاۋ، ماركەتينگ جانە جارناما 1 م² ءۇشىن 56–80 مىڭ تەڭگەگە تۇسەدى. تاعى 40–64 مىڭ تەڭگە قۇرىلىس سالۋشىلار قۇرىلىسقا الىنعان نەسيەلەر بويىنشا پايىز رەتىندە تولەيدى.
ناتيجەسىندە قۇرىلىس سالۋشىنىڭ تازا پايداسى شامامەن 1 م² ءۇشىن 50–70 مىڭ تەڭگەنى قۇرايدى – بۇل جالپى قۇننىڭ 6–8%-ى عانا. تاۋەكەلدەردى ەسكەرسەك، بۇل ايتارلىقتاي جوعارى مارجا ەمەس.
قورىتىندىلاي كەلە، قازىرگى باعالار شەكتى دەڭگەي ەمەس ەكەنىن اتاپ وتكەن ءجون. اتاپ ايتقاندا، جاڭا تۇرعىن كەشەندەرىنىڭ جانىندا مەكتەپتەر مەن بالاباقشالار سالۋ ءۇشىن قۇرىلىس سالۋشىلارعا مىندەتتى جارنالار ەنگىزۋ ماسەلەسى تالقىلانۋدا. بۇل ءاربىر شارشى مەتردىڭ وزىندىك قۇنىنا تاعى 15–20 مىڭ تەڭگە قوسۋى مۇمكىن، – دەيدى ساراپشى.
