11 اقپان كۇنى رۋدنىي قالاسى توپوركوۆ كوشەسىندەگى 8 پاتەرلى ۇيدەن ءورت شىققان. ءورتتىڭ سالدارىنان باسپاناسىز قالعان تۇرعىندار اكىمدىكتەن مۇلدە قولداۋ بولماعانىن ايتىپ، توقاەۆقا ۇندەۋ جولدادى، دەپ حابارلايدى “ادىرنا” ۇلتتىق پورتالى.
ايتا كەتەيىك، ءورت كەزىندە ءۇيدىڭ ەكىنشى قاباتىنداعى باسپالداق مارشى جارتىلاي ورتەنىپ، جىلۋمەن جابدىقتاۋ جۇيەسى بۇلىنگەن. ۇيدە ءورتتىڭ سالدارىنان ەلەكتر قۋاتى وشىرىلگەن. قازىر ءۇي جارامسىز. الايدا، قايدا قونىستانارىن بىلمەگەن تۇرعىندار جان-ايقايىن كىمگە ايتارىن بىلمەي الەك.
“اكىمدىكتەگىلەر كەلدى. ءۇي ورتەنىپ كەتتى. پودەزد ورتەنىپ كەتتى. ونىڭ سەبەپتەرىن ءالى انىق بىلمەيمىز. قازىرگى تاڭدا 6 ادام اۋرۋحانادا جاتىر. جاعدايلارى ورتاشا. ءوزىم اپپاراتتان شىقتىم. كيسلورودتان. ۋگار وت گازا دەپ بەردى. اياعىم اۋىر 16 اپتا. ەكىنشى قاباتتان بۇكىل تۇرعىندار سەكىرگەن. ءبىرىنشى قاباتتاعىلار تەرەزەدەن شىققان. جاعدايىمىزدان ەشكىم حابار العان جوق. سەندەرگە 500 مىڭ بەردىك ، بولدى دەيدى. ەشقانداي زاتتار جاراماي قالدى. ءبىز قر-نىڭ ازاماتىمىز. نەگە ءبىزدى دالادا تاستايدى؟ “،- دەپ اشىندى تۇرعىن.
سونداي-اق، تۇرعىن تارازدان قوستاناي وبلىسىنا “وڭتۇستىكتەن سولتۇستىككە قونىس اۋدارۋ” باعدارلاماسى ارقىلى كوشىپ كەلگەن. الايدا، تۇرعىنداردىڭ ايتۋىنشا، اكىم وقيعا بولعان جەرگە جاعدايلارىن سۇراپ كەلمەگەن، ءتىپتى، اكىمنىڭ كىم ەكەنىن دە تۇرعىندار بىلمەيدى ەكەن.
ء“بىز تارازدان قوستانايعا “جۇمىس ىستەڭدەر، كوركەيتىڭدەر قازاقستاندى” دەگەن سوڭ، قازاقتىڭ سانىن كوبەيتەيىك دەپ وسى جاققا قاراي كەلىپ، قازاقتاندىرايىق دەگەن ءتۇرىمىز عوي. ءبىزدى ەشكىم تىڭداپ جاتقان جوق. مەن مەملەكەت باسشىسى قاسىم-جومارت توقاەۆقا وسى ۇندەۋىمىز جەتسە ەكەن دەيمىن. جەرگىلىكتى اكىمدىكتەگىلەر وسىلاي قۇجات دۇرىس بولماعان جاعدايدىڭ وزىندە اكىم رەتىندە وسى قالانىڭ ادامى رەتىندە بىزگە كومەكتەسۋ كەرەك قوي… ول كىسى ءبىزدىڭ الدىمىزعا كەلگەن دە جوق. اكىمنىڭ كىم ەكەنىن دە بىلمەيمىز. جۇگىرسەكتەرى كەلەدى. 1-2 قىز. سويلەيدى كەتەدى. ونىڭ بىزگە نە كەرەگى بار؟! قازىرگى تاڭدا ۇيدەگى زاتتاردىڭ ەشقايسىسى جاراماعان. تەرەزەلەرى سىنعان. ەسىكتەرى ورتەنىپ كەتكەن. سۆەت جوق. گاز جوق. ۇيدە تۇرۋعا بولمايدى. سول ۇيدە تۇراسىڭدار دەپ ايتىپ جاتىر. ءبىز مۇنداي جاعدايدا قالاي تۇرامىز؟ كىشكەنتاي بالالارمەن؟ مەنىڭ اياعىم اۋىر. اياعى سىنعاندار بار… ءبىزدىڭ جاعدايىمىز قالاي بولادى؟
ءبىر جاناشىر قازاقتى قويماي ما اكىم قىلىپ؟ ورىستار كەلەدى دە سويلەيدى، كەتەدى. سولتۇستىك قازاقستان ورىس بولسىن دەگەن ءسوز ەمەس قوي. جانى اشيتىن جاستار عانا كەلىپ جاتىر. “قانداي كومەك كەرەك؟” دەپ. ءبىر ورىستىڭ ءۇيى ورتەنسە، ءبارى جۇگىرىپ بارادى. ال بىزدەردىكى 8 پاتەر، بىرەۋىنىڭ 4 بالاسى بار. بىرەۋىنىڭ 6 ايلىق بالاسى بار. بىرەۋى اتا-ەنەسىمەن، ۇلكەن كىسىلەرمەن تۇرادى. ال مەنىڭ اياعىم اۋىر. مەنىڭ دەنساۋلىعىما كىم جاۋاپ بەرەدى. ءبىز ءورتتى قولدان جاساعان جوقپىز.
سوندىقتان اكىمنىڭ اۋىسۋىن تالاپ ەتەمىن. ولار بىزگە ۇيلەرىڭدى وزدەرىڭ ىستەپ الىڭدار دەپتى. ءبىز قايدا تۇرامىز، قاشان ول ءۇيدى رەمونتتاپ بولامىز؟
نەگە ءبىزدىڭ جان-ايقايىمىزدى اكىم بولىپ ءبىر ادام تىڭداۋعا كەلگەن جوق؟ 5 كۇن بولدى، ءورتتىڭ بولعانىنا، بىراق اكىم جوق”،- دەدى تۇرعىن رەداكتسياعا بەرگەن حابارلاماسىندا.
