اتىراۋ وبلىسىندا كونە سارايشىق قالاسىن سۋ الۋ قاۋپى بار، دەپ حابارلايدى "ادىرنا" ءتىلشىسى Orda.kz-كە سىلتەپ.
اتىراۋ وبلىسى، ماحامبەت اۋدانى، سارايشىق اۋىلىندا جەرگىلىكتى تۇرعىنداردىڭ قاتىسۋىمەن جاعالاۋدى بەكىتۋ جۇمىستارى جۇرگىزىلىپ جاتقانى انىقتالدى. مۇندا تاريحتان سىر شەرتەر ارحەولوگيالىق قازبالار دا سۋ استىندا قالۋى مۇمكىن. اۋىل ادامدارى سۋ تاسقىنىنا الاڭداۋلى.
«ءبىزدىڭ بارلىق بوگەتتەرىمىز ەسكىرگەن. سوندىقتان تاۋەكەل بار. ءبىز ولاردى شىڭداپ، بەكىتۋگە تىرىسامىز. جايىق وزەنى ءبىزدى قورشاپ جاتىر، سوندىقتان ۇلكەن قاۋىپ بار. قول قۋسىرىپ وتىرعان جوقپىز – بوگەت سالىپ، جاعالاۋدى نىعايتىپ جاتىرمىز. ەسكى قالانىڭ ورنىنا تاقتا مەن بەتون توسەلگەن. ءبىز تاريحتى ساقتاپ قالۋ ءۇشىن ولار ونى ساقتايدى دەپ ۇمىتتەنەمىز. سۋ دەڭگەيىنىڭ قانداي بولاتىنى ازىرگە بەلگىسىز، بىراق ءبىز ونى كۇشەيتۋدى جالعاستىرامىز»، - دەپ قوستى اكىم.
ەگەر قازاق تاريحىنداعى ماڭىزى بار سارايشىق سۋ استىندا قالسا، التىن وردا، نوعاي ورداسى، قازاق حاندىعىنىڭ تاريحى سۋ استىندا قالماق.
«ءبىز ءوز اۋىلىمىزدىڭ تاريحىن ماقتان تۇتامىز، سوندىقتان كۇنى-ءتۇنى جۇمىس ىستەيمىز. اۋىلىمىزدى قاۋىپتەن امان الىپ قالامىز دەپ ۇمىتتەنەمىز»، - دەيدى ەرىكتىلەر.
