فوتو: مادەنيەت جانە اقپارات مينيسترلىگى
قازاقستان رەسپۋبليكاسى تاۋەلسىزدىگىنىڭ 35 جىلدىعىنا وراي وزبەكستان استاناسى تاشكەنت قالاسىنداعى ۇلتتىق كينو ونەرى سارايىندا قازاقستان كينوسىنىڭ كۇندەرى ۇيىمداستىرىلدى، دەپ حابارلايدى "ادىرنا" ءتىلشىسى.
ءىس-شارا وتاندىق كينونى شەتەلدە تانىستىرۋعا جانە ەكى ەل اراسىنداعى مادەني بايلانىستى نىعايتۋعا باعىتتالدى.
باعدارلاما اياسىندا كورەرمەندەرگە «قايتادان»، «ەرەكشە»، «مويا بولشايا كازاحسكايا سەميا»، «جابايى»، «التىن ادام» جانە «امىرە» فيلمدەرى ۇسىنىلدى.
ءىس-شاراعا قازاقستاننىڭ وزبەكستانداعى ەلشىلىگىنىڭ، «قازاقفيلم» كينوستۋدياسىنىڭ، Kinopark Theatres, Tiger Films جانە Dala Edge كومپانيالارىنىڭ وكىلدەرى، سونداي-اق قازاقستان مەن وزبەكستاننىڭ كينو سالاسىنىڭ ماماندارى قاتىستى.
سپورت پەن ادام جىگەرىن ارقاۋ ەتكەن «ەرەكشە» ءفيلمىنىڭ كورسەتىلىمىنە وزبەكستاننىڭ بوچچا كومانداسىنىڭ مۇشەلەرى مەن تاشكەنتتەگى سپورت مەكتەبىنىڭ وقۋشىلارى كەلدى.
كەزدەسۋ بارىسىندا ەكى ەلدىڭ كينەماتوگرافيستەرى ۇلتتىق كينونى دامىتۋ جانە بىرلەسكەن كينوجوبالاردى جۇزەگە اسىرۋ مۇمكىندىكتەرىن تالقىلادى.
ۇيىمداستىرۋشىلاردىڭ ايتۋىنشا، قازاقستان كينوسىنىڭ كۇندەرى مادەني الماسۋدى جانداندىرۋعا، شىعارماشىلىق ىنتىماقتاستىقتى نىعايتۋعا جانە وتاندىق فيلمدەردى حالىقارالىق دەڭگەيدە ناسيحاتتاۋعا مۇمكىندىك بەردى.
