قاراعاندى وبلىسىنىڭ تەمىرتاۋ قالاسىندا جولاۋشىلار اۆتوبۋسى جول اپاتىنا ۇشىراپ، 64 جاستاعى جۇرگىزۋشى وقيعا ورنىندا كوز جۇمدى، دەپ حابارلايدى "ادىرنا" ۇلتتىق پورتالى Politico-عا سىلتەپ.
اۆتوبۋس ىشىندەگى 15-كە جۋىق جولاۋشى زارداپ شەككەن جوق.
وقيعا 14 قاراشا كۇنى ساعات 10:30 شاماسىندا بولعان. الدىن الا مالىمەت بويىنشا، Yutong ماركالى اۆتوبۋس قوزعالىس كەزىندە كەنەتتەن باسقارۋدان شىعىپ، جول جيەگىندەگى اعاشقا سوعىلعان.
قاراعاندى وبلىستىق پوليتسيا دەپارتامەنتىنىڭ حابارلاۋىنشا، كولىك جۇرگىزىپ كەلە جاتقان ەر ادامنىڭ دەنساۋلىعى كۇرت ناشارلاپ، ەسىنەن تانىپ قالعان. سونىڭ سالدارىنان اۆتوبۋس باسقارۋدان شىعىپ كەتكەن. 64 جاستاعى جۇرگىزۋشى العان جاراقاتتارىنان وقيعا ورنىندا قايتىس بولدى.
اپات كەزىندە اۆتوبۋستا شامامەن 15 جولاۋشى بولعان. ولاردىڭ ەشقايسىسى زارداپ شەكپەگەن.
اتالعان دەرەك پوليتسيادا تىركەلدى. قازىر وقيعانىڭ ءمان-جايى انىقتالىپ جاتىر.
