اۆستراليالىق عالىم جانە بلوگەر يان حەنتسزيۋنگە قاتىستى قىتايدا ۇكىم شىقتى. ەر ادام تىڭشىلىق جاساعانى ءۇشىن كىنالى دەپ تانىلىپ، ءولىم جازاسىنا كەسىلدى. جازا كەيىنگە شەگەرىلدى، دەپ حابارلايدى "ادىرنا" ۇلتتىق پورتالى.
قىتايداعى اۆتراليالىق بەلسەندى، ءارى عالىم يان حەنتسزيۋنگە تاعايىندالعان جازانىڭ كەيىنگە قالدىرىلۋىنا بايلانىستى قحر مەن اۆستراليا اراسىندا ديپلوماتيالىق جانجال تۋىنداپ وتىر. حەنتسزيۋن-اۆستراليا ازاماتى جانە ەلدىڭ سىرتقى ىستەر مينيسترلىگى قىتاي سوتىنىڭ شەشىمىن ايىپتايتىنىن مالىمدەدى.
يان حەنتسزيۋن 2019 جىلى گۋانچجوۋ اۋەجايىندا ۇستالدى. ول تىڭشىلىق جاسادى دەپ ايىپتالدى (قىتايدىڭ قۇقىق قورعاۋ ورگاندارى قاي ەلگە قاتىستى ەكەنىن رەسمي تۇردە حابارلاعان جوق). عالىم شامامەن بەس جىل قاماۋدا بولدى.
قىتايدا دۇنيەگە كەلگەن حەنتسزيۋن قحر بيلىگىنىڭ ساياساتىنا نارازىلىق بىلدىرگەن عالىم، بلوگەر، جازۋشى جانە بەلسەندى رەتىندە تانىمال بولدى. ول سونىمەن قاتار نيۋ-يوركتەگى كولۋمبيا ۋنيۆەرسيتەتىندە ءبىراز ۋاقىت ساباق بەردى. 1999 جىلدان باستاپ حەنتسزيۋن اۆستراليادا ءومىر ءسۇردى، 2002 جىلى ول سول ەلدىڭ ازاماتتىعىن الدى.
سوت تالقىلاۋىنىڭ قورىتىندىسى بويىنشا حەنتسزيۋن كەيىنگە قالدىرىلعان ءولىم جازاسىنا كەسىلدى. ءىس جۇزىندە مۇنداي ۇكىم ءومىر بويىنا باس بوستاندىعىنان ايىرۋدى ءبىلدىرۋى مۇمكىن. اۆستراليانىڭ سىرتقى ىستەر مينيسترلىگى قىتاي سوتىنىڭ شەشىمىمەن كەلىسپەيتىنىن جانە "بۇل ۇكىمگە تاڭعالعانىن" ايتىپ، مالىمدەمە جاسادى. اۆستراليا ءسىم عالىمدى بوساتۋعا جانە ونى مەديتسينالىق سەبەپتەرمەن ەكستراديتسيالاۋعا ۇمتىلۋى مۇمكىن.
