Avstralııalyq ǵalym jáne bloger Ian Henzıýnge qatysty Qytaıda úkim shyqty. Er adam tyńshylyq jasaǵany úshin kináli dep tanylyp, ólim jazasyna kesildi. Jaza keıinge shegerildi, dep habarlaıdy "Adyrna" ulttyq portaly.
Qytaıdaǵy avtralııalyq belsendi, ári ǵalym Ian Henzıýnge taǵaıyndalǵan jazanyń keıinge qaldyrylýyna baılanysty QHR men Avstralııa arasynda dıplomatııalyq janjal týyndap otyr. Henzıýn-Avstralııa azamaty jáne eldiń Syrtqy ister mınıstrligi Qytaı sotynyń sheshimin aıyptaıtynyn málimdedi.
Ian Henzıýn 2019 jyly Gýanchjoý áýejaıynda ustaldy. Ol tyńshylyq jasady dep aıyptaldy (Qytaıdyń quqyq qorǵaý organdary qaı elge qatysty ekenin resmı túrde habarlaǵan joq). Ǵalym shamamen bes jyl qamaýda boldy.
Qytaıda dúnıege kelgen Henzıýn QHR bıliginiń saıasatyna narazylyq bildirgen ǵalym, bloger, jazýshy jáne belsendi retinde tanymal boldy. Ol sonymen qatar Nıý-Iorktegi Kolýmbııa ýnıversıtetinde biraz ýaqyt sabaq berdi. 1999 jyldan bastap Henzıýn Avstralııada ómir súrdi, 2002 jyly ol sol eldiń azamattyǵyn aldy.
Sot talqylaýynyń qorytyndysy boıynsha Henzıýn keıinge qaldyrylǵan ólim jazasyna kesildi. Is júzinde mundaı úkim ómir boıyna bas bostandyǵynan aıyrýdy bildirýi múmkin. Avstralııanyń Syrtqy ister mınıstrligi Qytaı sotynyń sheshimimen kelispeıtinin jáne "bul úkimge tańǵalǵanyn" aıtyp, málimdeme jasady. Avstralııa SIM ǵalymdy bosatýǵa jáne ony medıınalyq sebeptermen ekstradıııalaýǵa umtylýy múmkin.
