بۇگىن، 16 قانتار كۇنى مەدەۋ اۋداندىق سوتىندا عالىمجان جاقيانوۆ پەن تولەن توقتاسىنوۆ اراسىنداعى “دوستار داۋىنىڭ” قورىتىندى سوتى بولدى. ناتيجەسىندە تولەن توقتاسىنوۆ جەڭىسكە جەتتى، دەپ حابارلايدى “ادىرنا” ۇلتتىق پورتالى.
ايتا كەتەيىك، تولەن توقتاسىنوۆ پەن عالىمجان جاقيانوۆ ەرتەدەن بەرى جاقسى ارالاسقان بەلگىلى تۇلعالار. 2000 جىلداردىڭ باسىندا حالىقتىڭ ءسوزىن سويلەگەن تۇلعالار. ەكەۋى 30 جىل دوس بولىپ، بىرگە ءجۇرىپ، ءبىراز جىل جۇمىس ىستەگەن. بىرگە كومپانيا باسقارىپ، كەيىن توقتاسىنوۆ ءوز ۇلەسىن جاقيانوۆقا ساتقان. ال جاقيانوۆ كەلىسىلگەن اقشانىڭ ءبىراز بولىگىن تولەگەننەن كەيىن، دوسىن «الدادى» دەپ، ارىز جازعان. ءبىز بۇعان دەيىن دە ەكى دوس اراسىنداعى «داۋدىڭ» قالاي باستالعانىن جازدىق.
بۇگىن مەدەۋ اۋداندىق سوتىندا بولعان قورىتىندى سوت ناتيجەسىندە عالىمجان جاقيانوۆتىڭ تولەن توقتاسىنوۆ پەن ونىڭ جۇبايى الما توقتاسىنوۆاعا قويعان تالابىن قاناعاتتاندىرمادى.
"بۇگىن مەدەۋ اۋداندىق سوتى شەشىمىن شىعاردى. ءبىزدىڭ جەڭىسپەن اياقتالدى. جاقيانوۆ ارامىزدا بولعان كەلىسىمشارتتى جوققا شىعارماقشى بولدى. دەگەنمەن، سوت ونى قاناعاتتاندىرمادى”، - دەدى تولەن توقتاسىنوۆ.
”ادىرنا” ۇلتتىق پورتالى
