زەلەنسكي: قىرىم كوپىرى — ۋكراينانىڭ زاڭدى نىساناسى

182
Adyrna.kz Telegram
https://adyrna.kz/storage/uploads/aRfyXE1Q8yCeK8QuUWUxUTZrvQGyngiQ6BxxyiMG.webp

فوتو: ۋيكيپەديا

ۋكراينا پرەزيدەنتى ۆلاديمير زەلەنسكي قىرىم كوپىرى ەل ءۇشىن زاڭدى اسكەري نىسانا ەكەنىن ايتىپ، رەسەي باسشىلىعى كوپىردىڭ قاۋىپسىزدىگىنە كەپىلدىك بەرە المايتىنىن ءتۇسىنۋى كەرەك دەپ ايتتى، دەپ حابارلايدى "ادىرنا" ءتىلشىسى.

بۇل تۋرالى ول 20 قاراشادا امەريكالىق NBC تەلەارناسىنا بەرگەن سۇحباتىندا ايتتى.

زەلەنسكيدىڭ سوزىنشە، قىرىم 2014 جىلدان بەرى رەسەيدىڭ باقىلاۋىندا. سوندىقتان ۋكراينا تۇبەكتى ءوز اۋماعى دەپ سانايدى جانە ونى قايتارۋ ءۇشىن ديپلوماتيالىق ءارى اسكەري جولمەن كۇرەستى جالعاستىرادى.

ۋكراينا پرەزيدەنتى رەسەيدىڭ قىرىم كوپىرىن تۇبەككە قارۋ-جاراق جەتكىزۋ ءۇشىن پايدالاناتىنىن دا اتاپ ءوتتى. ونىڭ ايتۋىنشا، رەسەي ۋكراينا نىساندارىنا شابۋىل جاساعاندىقتان، كيەۆ جاۋاپ بەرۋگە ءماجبۇر بولعان.

بۇعان دەيىن 16 قاراشادا قىرىم كوپىرىنە جاسالعان سوققىدان كەيىن كولىك قوزعالىسى شەكتەلگەن. كەيىن كوپىردىڭ اركاسى مەن اۆتوموبيل جولىنىڭ ءبىر بولىگى تەڭىزگە قۇلاعانى حابارلاندى. ال 19 قاراشاعا قاراعان ءتۇنى كوپىردىڭ تەمىرجول بولىگىنە دە زاقىم كەلگەن.

رەسەي ۆيتسە-پرەمەرى مارات حۋسنۋللين 20 قاراشادا كوپىردىڭ نەگىزگى ارالىعى مەن اركاسى زاقىمدانعانىن مالىمدەدى. ونىڭ ايتۋىنشا، نىساندى قالپىنا كەلتىرۋ مەرزىمى ازىرگە بەلگىسىز. جوندەۋ جۇمىستارىنىڭ ناقتى ۋاقىتى ينجەنەرلىك ساراپتاما مەن جوبالىق شەشىمدەردەن كەيىن انىقتالماق.

ال كيەۆ ۇلتتىق كولىك ۋنيۆەرسيتەتىنىڭ دوتسەنتى اندرەي كورەتسكي كوپىردى قالپىنا كەلتىرۋگە 1,5-3 جىل قاجەت بولۋى مۇمكىن دەپ باعالاعان. ونىڭ ايتۋىنشا، اركانى دايىنداۋدىڭ وزىنە شامامەن ءبىر جىل كەتەدى.

پىكىرلەر